ياشاعر للكلام معنى
بيقرانا وبيسمعنا
بيضحك لما نتبسم
وبيطبب مواجعنا
مانيش شاعر لكن شاعر
هنا في الكلمه 100 صوره
وفزوره وحدوته وغنوايه
وقِصه تحت من القَصه
عيون فى القلب تقراها
وجواها وبرّاها .. نُقط !!
على السطر مزيكا بتتمايل
بياتي وبالصبا وسيكا
ياشاعر كلمه أنتيكا .!!!
ماتفهمشي الكلام مني
على إني بغوص فى بحور
أنا داير مابين الكلمه
بدر بدور
وحافظها بروح من نور
وسامع همس فى الكلمه
بـــيقول حلوه ياواد شاطر
أكيد جوه الكلام معنى
ياشاعر قول وسمعنا
سمعت إن الكلام شاعر
وساكن تحت من جلدي
بيدخل بس م السُرّه
هاقول كلمه لكن حُرَّه
( أنا شاعر )وساكن كلمتي معنى .!
المصدر: الشاعر/ علي قابيل
نشرت فى 28 فبراير 2011
بواسطة alikabiel
الشاعر/ علي عبد السلام علي قابيل
ياشاعر... للكلام معنى بيقرانا وبيسمعنا بيضحك لما نتبسم وبيطبب مواجعنا مانيش شاعر.! لكن شاعر هنا فى الكلمة 100 صورة. »
ابحث
تسجيل الدخول
عدد زيارات الموقع
42,601
ساحة النقاش