اولا:: الميسدات فيها مقدمة باطنة وليست ميسد وعليها 30 درجة في سنة خامسة يعني تتابع كويس وليه ورق تصوروه وتذاكروا منه وتحضروا الكلينيكال لانه بيسالوا كلينيكال ومتقولوش كبر.

ثانيا:: الكتب كلها عليناـ حتى الملغي اقراه علشان الشفوي ـ ومش معنى انك مخدتش جزء في الراوند يعني تطنشه لا الكتاب كله علينا.

ثالثا:: المواد كلها سهلة ولذيذة برضه بس لما تتزنق فيها هاتبقى ابوخ مادة في الكون.

رابعا:: نظام الراوند يعني شهر تاخد 28 يوم دراسة واخر يومين امتحان عليه 30٪ من المادة يعني مفيش وقت تلم نفسك>> يعني مينفعش خليها اخر شهر -- مفيش غير يا دوب تراجع>>يعني المفروض نذاكر اول باول مش نقول رابعة سهلة ونهييس.

خامسا::متسبش محاضرة وتقول مش مهمة -- المحاضرات ان مكنتش مفيدة متحضرهاش ((((بس))))
لازم تعرف خدت فيها ايه علشان تذاكره في يومها (تنظم وقتك بيها).

سادسا:: التوكسو مش بالسهولة اللي باين عليها وعايز مذاكرة اكتر من مرة...مرة في الميسد ومرة مع المحاضرات ومرة قبل الامتحان وتراجعه ليلة الامتحان ,, لكن الشرعي ساهل بس تذاكره من الجلدة للجلدة ومرة مذاكرة ومرة مراجعة ليه كفاية.

سابعا:: ((الحته دي مش مهمة ومتجيش في امتحان)) انسوا الكلام الفاضي دا مفيش حاجة مبتجيش في الامتحان يعني ساب امراض الشبكية في الرمد وجاب الهستولوجي بتاعها رسم.

ثامنا:: اشدد تاني الكتاب يتذاكر من الجلدة للجلدة طول السنة لكن يوم الامتحان النظري متذاكرش اللي هايلغوه لكن في الشفوي من الجلدة للجلدة ويا ريت يلغولكم الشفوي.

تاسعا:: امتحان شفوي الراوند بتاع الرمد بيجي مع العملي بس تدخل مذاكر النظري مع العملي علشان الشفوي بيسأل في كل حاجة.

عاشرا:: الفهم لوحده ملوش لازمة لازم تحفظ المواد بس لازم بعد الفهم الطريقة الصح للحفظ مش الدح لا الصح هو تكرار المذاكرة اكتر من مرة ـــ عمل جداول مقارنة ــ عمل تجميعات لان كم المعلومات هايل والشاطر اللي يعرف مكان المعلومة فين.

الحادي عشر:: متفرحش انهم بيلغوا حاجات كتير في الانف والاذن ... اقراها برضه لانهم بيجوا اخر السنة يضيفوها وبيسألوا فيه في الشفوي بس دات ميمنعش ان انضف قسم في الاربع سنين اللي فاتوا قسم الانف والاذن.

الثاني عشر::خد بالك متقعش في خدعة الكميونتي والشرعي.... بيديك جزء صغير في الراوند وتفكره كل اللي عليك اللي انتا خدته في الراوند ١٠٪ من امتحات اخر السنة اللي عليه 50 ٪ من درجتك
الباقي هاتفاجأ بيه اخر السنة فزي مقلتلكم ذاكروا واستغلوا الميسد.
طبعا مزيد من التوضيح يحتاج اننا ناخد كل مادة لوحدها ودا اللي هتحاول اكيد الدكتورة ايمان واحنا نقوم بيه بطريقة تفيدكم



دي يا جماعة حاجات سهلة واتعملت في تالتة بس احنا علشان فرقة مدب ومحطوطين دايما في وش المدفع وتقريبا كانوا بيودعونا على النظام القديم فظبطونا اخر تظبيط.


وعلشان نظام رابعة نظام فوري زي الوجبات السريعة فله اثار جانبية كتير
تاخد المادة في شهرين او شهر تحشرها في دماغك حشرة محترمة تطلع من الشهر دا تلاقي المعلومة في الطراوة وتدخل في راوند تاني ومادة تانية وتنسي الاولانية وهكذا تظل المعلومات في الطراوة.

لحد ما يجي الميسد تلاقي نفسك عايز تستريح من عملية الملئ والتفريغ التي ارهقت دماغك تقوم تضيع السنة منك


*فالحل الامثل ــ في رأي المتواضع ــ متابعة المحاضرات بس علشان تذاكر وراها وتنظملك وقتك للمرة الاولى مذاكرة.
وبعدين استغلال الميسد في مراجعة بعض اجزاء المواد اكيد الدكتورة ايمان هاتشرحها في كل مادة
مع مراعة اسلوب التجميعات والجداول>>>>>>مهم اوووووي متذكرش واقعد اعمل جدول او تجميعة افيد 100 مرة من المذاكرة.
تذاكر كمان مرة الشهر قبل الامتحان للبقايا اللي فاضلالك وتراجعك تجميعات
ليلة الامتحان تراجع مرة كمان>> وانتا في العربية تبص على التجميعات >>تفضل دايخ قدام اللجنة بتراجع تدخل تخلص على الامتحان باذن الله ـ الا بقى لو جابولكم اسئلة من هندسة ــ وتطلع من الاوائل ومستني الهدية...^ـــــ^

 

روند الباطنه او الميسد كما يسميه الطلبة
*************************************

 

شهرين ( الاول نظرى والثانى عملى بالترتيب )

 

وميعادهم بحسب الجدول طبعا لكل مجموعه

 

درجات الروند كل شهر 15 درجه

 

الشهر الاول ( النظرى )

 

سمناه نظرى لانه امتحانه على هيئه امتحان ام سى كيو واكمل

 

بيتم تقسيم المجموعات على اقسام الباطنه المختلفه معنى ان كل مجموعه هتاخد الشهر بتاعها فى دور واحد فى قسم واحد
مثلا انا كنت فى قسم الروماتيزم اخر دور
والقسم ده بيبقى مسئول عن المجموعه بتاعته
طبعا الجدول ممكن يكون فيه يوم بتروحوا فيه قسم تانى زى مثلا كان عندى يوم الاحد فى قسم الهيماتولوجى الدور اللى قبل الاخير .


الجدول بيكون متوزع كالاتى :

 

بيكون 5 ايام فقط ويوم اجازة
1. اشعة
2. طوارئ
بقية الايام على حسب الاقسام اللى انت حتروحها
يعنى مثلا انا كان عندى يومين فى قسم الروماتيزم ويوم فى الهيماتولوجى ..

بالنسبه للاشعه احنا مكناش بنحضرها خالص لانها مكنتش مفهومه وكمان الغياب بتاعها مش مهم وكمان مبتدخلش فى الامتحان.
الطوارئ كذلك مبتدخلش فى الامتحان بس برده تحضروا فيها يوم على الاقل غالبا بورونا حالات بس طبعا احنا مش مطلوب مننا فى الشهر ده نتعامل مع حالات .

 

ال3 ايام الفاضلين مهم انك تحضر علشان تفهم خصوصا لو القسم بتاعك مهتم والدكاترة كويسين وعلشان الغياب كمان.

بندرس ايه فى الشهر ده

 

sheet ( ازاى تاخد history من العيان )
symptoms of pulmonary diseases
symptoms of cardiac disease
symptoms of abdominal diseases
examination of face & hand
general examination ( يعنى pulse , temperature , blood pressure, respiratory rate )
ال pulse اهم واحد فيهم ركزوا فيه كويس بتاخدوا فيه حاجات كتير .
طبعا كل ده تظرى مفيش عملى فيه .

 

ده اللى احنا اخدناه تقريبا

بنزاكر منين
فى ورق لدكتور مجدى فى الشروق
او ممكن تكتبوا ورا الدكتور وتزاكروا منه

 

الامتحان بيكون سهل جدا .

الشهر التانى

 

بيكون عملى لان امتحانه بتتقسموا فيه على مجموعات على الحالات وتاخدوا منها شيت وتعملولها examination
والدكتور يجى يناقشكم فيها .

 

برده نفس النظام بتتقسموا على مجموعات كل مجموعه فى دور والدور ده بالدكاترة اللى فيه بيكون مسئول ان يدرسلكم الجزى العملى ده
والجدول بيكون كالاتى
اشعه
طوارئ
وباقى 3 ايام بيبقى حسب الدور
انا مثلا كنت فى قسم الشيخوخه والكلى كان عندى يومين كلى ويوم شيخوخه
بس طبعا ولا باخد كلى ولا شيخوخه بندرس حاجات تانيه هاقلهالكم
الاسامى دى بس علشان الاماكن يعنى مكتوب كلى يبقى اروح فى جناح الكلى ويدخل دكتور ويشرحلنا.

 

بندرس ايه ؟

 

طبعا احنا خدنا فى الشهر الاول general examination
الشهر ده بناخد ال local examination
1. cardiac examination
2. respiratory examination
3.abdominal examination
كل دول بيكون فيهم 4 items اللى هم
inspection (الملاحظه ) و palpation و percution و auscultation

 

الدكاترة بيدخلولكم حالة فى حجرة الدرس وبيشرح عليها وبيخليكم تشوفوا مجموعة بمجموعة
طبعا الحالات دى كلها chronic يعنى لااااااااااااااااااازم تدفع.

 

الافضل يبقى معاك سماعة ..

 

فى الامتحان

قلت انهم بيقسموكم لمجموعات على الحالات وقبل ما بتدخل المعيده بتاخد من كل واحد 3- 5 جنيه علشان توزعها على الحالات اللى انت هتاخد منها الشيت .
طبعا لو دخلت لاخونا ال chronic المخضرمين والمحترفين هيظبطوك ويقشطوك لانهم ببساطه مش هيتكلموا الا لو دفعت ...

 

طبعا انت وصحابك بتكونوا ظبطتوا الشيت مع بعض

 

شويه كده وبعدين الدكتور بيدخل وممكن يسالك فى اى حاجه من اللى اخدتها مش شرط المتعلق بالحالة
مثلا يعنى حالة abdomen يسالك تعمل percution ل heart ازاى

 

وانت حظك طبعا على حسب الدكتور , بس متقلقوش الامتحان مش صعب ولا حاجه ودكاترة كتير بتدى الفول مارك.

 

تزاكر منين
من ورق د.مجدى برده فيه عملى
والافضل اللى انت بتكتبه وراء الدكتور وبتشوفه عملى
لانك مش هتمتحن تحريرى كله شفوى وعملى ..

 

******************************
*************

 

بس كده يا شباب

 

سنه رابعه خلصت مبروك يللا اطلعوا على خامسه على طول ......