مادة الانف والاذن والحنجرة (E.N.T.) المادة دي مادة كلينيكال 300% ومادة حلوة اووووي والقسم بتاعها من انضف واحسن واكثر الاقسام نظاما في الكلية كلها ....الى الان معلومات عامة عن المادة كتاب واحد في الاقسام كلها يوجد كتاب اذن فقط للدكتور فتحي عبد الباقي ممتاز لكن حجمه كبير وبيكون صعب تخلصه في اثناء مراجعة قبل الامتحان لكن الكتاب دا ممتاز لان فيه المحاضرات بالظبط وكمان عملي الانف (على فكرة الدكتور فتحي عبدالباقي الدكتور الوحيد دلوقت اللي بيهتم بالطلبة تخيلوا كان بيتصل بينا يعرف احنا كويسين ولا لا؟؟!!) عليها 200 درجة بتدرس في شهر واحد نظام الدراسة عبارة عن شهر كل يوم من السبت الى الخميس عبارة عن 4 محاضرات باربع دكاترة ورا بعض كل محاضرة ساعة من الساعة 8 الى الساعة 12 المنهج بيخلص كله خلال الشهر اول اسبوع ويوم >>>>>>>>>> اذن ثاني اسيوع >>>>>>>>>>>> انف والجيوب انفية (paranasal sinus )(محاضرة واحدة) ثالث اسبوع >>>>>>>>>>> البلعوم (فمي و انفي) والحنجرة اخر اسبوع مراجعة واجازة قبل الامتحان يوم الخميس اخر يوم طبعا في راوندات بيوصل فيها المنهج للاسبوع الرابع الاماكن:: تختلف من راوند لاخر حسب الاماكن الفاضية: المستشفى الجديد مركز المؤتمرات مدرج 2 يعني........ العملي في العيادات والقسم والسمعيات والتخاطب على الترام عند القائد ابراهيم بالظبط

الامتحانات

 

امتحان الراوند امتحانين

 

واحد نظري عليه 40 درجة
وواحد عملي spots عليه 30 درجة 15 عينة على البروجيكتور

 

امتحان النظري ساهل بس فيه حتت صعبة
ويمكن الاطلاع على شبيه ليه [فقط الأعضاء المسجلين يمكنهم مشاهدة الروابط. إضغط هنا للتسجيل...]

 

الامتحانات بتتكرر والقسم زي العسل

 

امتحان اخر العام من 100 اختيارات ونظري النظري طويل جدا
والشفوي من 20 لجنتين وبيبقى صعب شوية لأنهم بعتبروا اننا المفروض نكون اهتمينا بالمادة جدا ودا اللي مبيحصلش وفيه دكاترة بتهزأ بس اللي بيثبتلهم انه قاري وفاهم واللي هايحب المادة يبقى زي العسل

 

العملي عبارة عن ايام معينة بتبدأ في الاسبوع التاني وبيكون معاها في الساعتين الاخيرتين من الراوند
يعني تاخدوا محاضرتين اتنين من 8 – 10 ومن 10 – 12 تكملوا العملي

 

فيه عملي في المواضيع دي::

 

العيادات الخارجية :: في الاذن مش مهم بس حلوة (اول مرة هاتحس انك طبيب)
قسم السمعيات :: في الاذن مش مهم
القسم وهناخد فيه مرتين spots مهمين جدا جدا جدا ولو كانوا رخمين في الاول عادي
القسم تاني نشوف عملية حنجرة

 

ورقة الغياب::
هما ورقتين:: ورقة اثبات حضور محاضرات
وورقة اثبات حضور علشان العملي

 

في صور للعملي كتير بإذن الله نرفعها لكم في اقرب وقت
وصور الكتاب مهمة جدا

النظري بقى

 

المنهج اقسامه كتير

يعني : Ear Nose Para nasal sinuses Oropharynx Naso pharynx Hypo pharynx Larynx Phonetics

براحه واحده واحده واوعدكم هتحبوا المنهج >>>>>>> ملحوظة: هاقول المهم بس علشان المنهج هايتخفف

Ear الاذن

هانتكلم عن جزء عملي وجزء نظري وعمليات
الجزء العملي بيدخل يديه دكتور مساعد فممكن تحسوا بملل وعدم فهم عادي بس مهم جدا لا تفوتوه
بيتكلم عن:
*اسباب الم في الاذن
*اسباب فقد السمع
*الافرازات التي تخرج من الاذن انواعها واسبابها
*الطنين tinnitus اسبابه وانواعه
*الدوار واسبابه vertigo
* عينات للطبلة والاذن الوسطى
*بعض الاجهزة المستخدمة مثل حقن تنظيف الاذن
*بعض الاختبارات السمعية (tunning fork tests—audiogram –Tympanometry – ABR – Word Discrimination test)
الجزء النظري طويل وكبير ومهم وسهل وجميل بس بيتنسي بسرعة لكن شرح الدكاترة ممتاااااااااااااااااااااااااااااااااز واللي يذاكر اول باول ولازم تذاكروا كلكم اول باول هاينبسط اخر انبساط
بيتكلم عن::
الاذن الخارجية: تشريحها – التهابها
الاذن الوسطى:تشريحها – التهابها((مهم جدا جدا)) – مضاعفات الالتهابات (مهم جدا) – تصمغ الاذن الوسطى -- مرض تصلب الاذن --- سرطانات الاذن الوسطى
الاذن الداخلية وسنأخد فيها مرض مينيير مهم جدا جدا جدا ومعاه سرطان عصب التوازن مهم جدا جدا
ومعاه العصب السابع (fascial nerve) مهم جدا تشريح خاص به – تشخيص مكان اصابته

كل ما لم يكتب بجواره مهم جدا فهو مهم
العمليات:: ترقيع الطبلة ,جراحة تجميل الاذن الوسطي ,عملية ازالة تصلب الاذن , عملية تطهير الاذن الوسطى
عملية تنظيف الماستويد لانه بيقع ورا الاذن وبيكون جزء من الاذن الوسطى , عملية غسيل الاذن

       

 

Nose الانف

جزء عملي برضه ونظري وعمليات
العملي: اسباب انسداد الانف
اسباب الرائحة السيئة من الانف
اسباب الافراز من الانف
الشم والتغيرات في وظيفة الانف
النظري:
اهم حاجة النزيف الدموي من الانف: الالتهابات في الطبقة المخاطية المبطنة للانف مهمة
طبعا تشريح الانف ومهم
السرطانات في الانف
العمليات :عمليات تجميل الانف

       

Paranasal Sinuses الجيوب الانفية

نظرة تشريحية
الدرس دا كله في محاضرة وغالبا بيختصروه
المهم فيه التهاب الجيوب
ومضاعفات التهاب الجيوب الانفية
       

Nasopharynx البلعوم الانفي

التشريح والوظيفة الفسيولوجية
اللحمية (adenoids) التهابها وعملية ازالة اللحمية مهم جدا ومضاعفات العملية
انتفاخات البلعوم الانفي اكثر من هام سرطاني وغير سرطاني مهم جدا جدا

       

Oropharynx البلعوم الفمي

التشريح والوظيفة
التهاب البلعوم عموما
التهاب اللوزتين واستئصالهما واللي نفسه يطلع موضوع بالعربي [فقط الأعضاء المسجلين يمكنهم مشاهدة الروابط. إضغط هنا للتسجيل...] (مقال جوجل فائز في مسابقة جوجل نول الثانية)
انتان مناطق البلعوم مهم جدا وفيه حاجة اسمها quinsy يحبوا اوي يشوفها وهي بتنطبع على ورق الامتحان
اخر حاجة الشخير وتعثر النوم
       

Hypopharynx البلعوم الاسفل

تشريحه
وظيفته
الصعوبة في البلع (dysphagia)
بعض الامراض المسببة لصعوبة البلع
سرطانات البلعوم الاسفل
     

Larynx الحنجرة

التشريح
الوظيفة
الاعراض التي تظهر عند حدوث مرض ما في الحنجرة ( بحة الصوت – الخنفرة)
العيوب الخلقية في الحنجرة مهمة 7 عيوب
التهابات الحنجرة بانواعها مهمة
سرطانات الحنجرة (حمدية وخبيثة) مهمة وصعبة شوية
شلل الاحبال الصوتية مهمة
عملية ازالة الحنجرة مهمة
التخاطب والسمعيات كلا فاضي وغير مهم

كده المنهج خلص ايه رايكم ؟؟
طبعا الاجزاء دي كلها متصلة ببعضها في العملي والنظرييعني العملي اللي انا ذكؤته خلال شرح المنهج برضه نظري بس الي بيديه دكتور عملي
العملي بس spots تعرف وسؤال صغنتوت
طريقة المذاكرة:::
ذاكروا اول بأول افهموا وبعدين احفظوا
التجميعات معمولة في الكتاب
عودوا نفسكم وانتوا بتذاكروا يكون جمبكم كراس صغير تجمعوا فيه اسماء العمليات والعلماء والثلاثيات والرباعيات والاسماء الغريبة لان دي هي اللي بتبقى اصعب اسئلة في الامتحان

متقلقوش لو ذاكرتوا ولقيتوا نفسكم مش فاكرين حاجة الموضوع اصلا موضوع فهم بس في الامتحان بتحلوا 100 %
الجداول مهمة جدا يعني احنا مثلا جالنا جميع الجداول اللي في الكتاب في امتحان النظري

اخر كلمة ذاكروا اول باول لانهم مبيرحموش ومبيقفوش لحد اسبوع تخلص الاذن اسبوع الانف اسبوع الحنجرة
اسبوع تمتحن

المراجعة مهمة جدا تحضروها
رئيس القسم بيدي الامتحان فيها
مفيش سؤال صعب بيجي الا ويلمح ليه بطريقة غير مباشرة
وربنا يكون في عونكم جزاكم الله خيرا