المادة دي بتدرس في شهر عملي وترم نظري ازاي؟؟

العملي بتاع المادة بيخلص في شهر

لكن النظري في المحاضرات بياخد ترم

يعني مجموعة ٥ - ٦ - ٧ - ٨ تاخد المنهج كله نظري في النص الاول من السنة

والمجموعات ١ - ٢- ٣- ٤ تاخد نفس المنهج ونفس المحاضرات في النص التاني من السنة

يعني القسم بيدرس المنهج مرتين

والمادة دي منظمة جدا في القسم
يعني فيه جدول باللي علينا متقسم ٤ اسابيع والتزام رهيب بالمواعيد الميعاد الساعة ٩

الغياب بيتاخد مرتين مرة ونتا داخل تحط الكرنيه وطبعا ليك ربع ساعة بس تاخير بعد كده مش هيتاخد منك الكرنيه
بس متمشيش احضر عادي و وسجل حضورك لما بيجوا يتمموا على الغياب في الاخر ويبقى انتا كده غبت نص يوم حلوة دي ومرتين من دي تكون غبت يوم

يعني فيه غياب الاول وفي الاخر

ومينفعش تزويغ بينادوا بالاسم 

الكتب
>>>> ٣ كتب كتاب توكسو سموم
كتاب شرعي
كتاب العملي
بالاضافة الى الشيت واللي انتا بتشتريه ب ١٠ جنيه اول يوم
ودا عبارة عن تقريرين طبيين لصورتين بيقوا متدبسين في الشيت
وتقريرين للتسمم هنعرف بنعوزهم امتى بعدين
ومكان علشان تعمل فيه بصمتك وتكتب نوعها
وشوية حالات كده على الماشي

طيب ايه المطلوب من الكتب دي وازاي بتدرس وازاي بنمتحن فيها >>>>>>> خليها دلوقت

الدرجات والامتحانات

مادة من ٢٠٠ درجة
خلال الراوند واخر الراوند تكون خلصت ٨٠ درجة (نسيبهم دلوقت)
امتحان اخر السنة النظري ب ١٠٠ درجة خمسين توكسو وخمسين شرعي بس الامتحان واحد
الشفوي ب ٢٠ لجنتين كل لجنة ب ١٠ درجات واحدة توكسو والتانية شرعي
المكان

١- قسم الشرعي والسموم تحت الفارما بناخد الراوند وفيه ثلاثة اماكن
١- المدرج علشان نص المجموعة
٢- معمل ١ علشان النص التاني وعلشان امتحان السيمينار
٣- معمل ٢ علشان امتحان السمينار للناس اللي كانوا قبله في المدرج
٢- مركز السموم في المستشفى >>> بصوا الصورة دي الاسهم الخضرا بطلعك من الشرعي لحد باب مركز السموم هنروحه مرة نعمل فيه الشيتين بتوع السموم وناخد فيه جزء عملي بيجي في الامتحان من General toxocology

المحاضرات في 3 ، 4 ،هتبقى الساعة 1-2 علشان قبلها فيه محاضرة لمادة تانية

يعني انتا لو من مجموعة ١ وعندك محاضرات الشرعي شغالة طول التيرم وفي نفس الوقت بتاخد راوند رمد تحضر الرمد والشرعي فاهمين

الرمد الساعة ١٢ - ١ والشرعي من ١ - ٢



ندخل بقى في التقيل نظام المادة بالتفصيل


عملي ونظري

[motr]

العملي

[/motr]

كتاب العملي بيخلص كله خلال الراوند ونصيحة مني لكم اكتبوا ورا الدكاترة وذاكروا بس من اللي بتكتبوه وطنشوا الكتاب لو عايزين بصوا عليه بس علشان الزوايد لكن المذاكرة من المكتوب

هما بيأكدوا ان الامتحان مش هايطلع بره اللي بيتشرح

طبعا هاتتقسموا مجموعتين:: مجموعة في المدرج ومجموعة في المعمل ١ وبيبدلوا كل اسبوع

اللي بيتشرح في المعمل غير اللي بيتشرح في المدرج وعلشان كده بيتبدلوا

يعني المجموعتين بيدرسوا في درسين مختلفين ولما بيبدلوا كل واحد بيدرس حاجة التاني فاهمين؟

---

 

 

اللي بيدرس في العملي::

******* الشعر والالياف والتعرف على نوعها وصاحبها Hair fibers

Ballistics المقذوفات اللي هيى الرصاص يعني وبتيجي spots يعني عينات للرصاصات وهي مضروبة ولا بايظة وهي كاملة ولا الغطا بس وكده يعني ومسحوق البارود وانواعه راوند شيق

fire arm injuries او الاصابات الناتجة عن الضرب بالمسدس او البندقية ودا مهم جدا عملي ونظري (يعني موجودة في الكتابين) وليه صور واللي نفسك فيه كله

head injuries (نظري وعملي) اصابات الرأس من الاسئلة المهمة جدا جدا جدا

Reinish test اختبار خاص بالتسمم بالمعادن الثقيلة زي الزئبق *********

blood semen identification and assessment الدم والسائل المنوى علشان الاغتصاب والدم اللي على السكينة دا بتاع مين؟؟*******

color test and crystals اختبار للتعرف على بعض المواد السامة مهم عملي جدا (سؤال امتحان عملي) ***********

كيف تكتب شيت التسمم ومعاها في نفس اليوم chromatography اللي هيا بتشرح طرق فصل المواد السامة من الدم مثلا

air way management مهمة بيجي منها سؤال ومش موجودة في الكتاب اكتبوا ورا الدكتور

identification التعرف على الجثث والاحياء ((راجل ولا ست ,, سنه كام كده)) من العظام وصور اشعة لازم تفهموها كويس ودي مهمة نظري وعملي وبتيجي في الامتحان بكل الطرق(سؤال امتحان عملي مؤكد)

finger prints البصمات (نظري وعملي) هانعرف ايه هي انواع البصمات وايه هيى مكونات البصمة وفيها مسائل حلوة وبنعمل بصمتنا في الشيت بتاعة الاصبع السبابة الايمن نجيب الشيت معانا يومها او نعمل في ورقة وبعدين نلزقها في الشيت بعدين. مفيش مشكلة

asphyxia and sudden death (نظري وعملي) الاختناق والموت المفاجئ دكتورة وفاء السحلي رائعة وفيها صور مهمة وبتيجي في العملي صور ومهم وفي النظري كمان

abortion and infanticide الاجهاض وقتل الاطفال الرضع وطبعا دا درس خطير ومهم على الصعيدين المحلي والدولي قصدي العملي والنظري وتكتبوا ورا الدكتورة لانها بتضيف حاجات كتير او تجيبوا ورق الشروق افضل بتاع الشرعي

blood grouping فصائل الدم درس دلع كده بس مهم اووووي وبيجي منه في امتحان النظري والشفوي برضه وتكتبوا ورا الدكتورة في العملي

toxicseeds and drug of abuse demonstration اليذور السامة ودا مهم عملي وشوية نظري لكن التعرف على متعاطي المخدرات معلومات عامة ومبيجيش في الامتحان

Wounds الجروح (نظري وعملي) وفيها بناخد انواع الجروح واسميهم بالعربي علشان نكتبهم في التقرير الطبي

المشكلة انه في النظري بالانجليزي وفي العملي بالعربي جدول لذيذ وساهل

التقرير الطبي الابتدائي موضوع مهم جدا بتمتحن عليه ٣ مرات بدرجات

اول مرة في الاختبار الجزئي اللي بيحثل خلال الراوند وليه سؤال عليه ٥ درجات تاني مرة في السيت وعليه ٥ درجات تالت مرة في الامتحان العملي وعليه ٣ درجات مع زيادة انك بتكتب الشيت كله مش بيكون جاهز وتملاه زي اللي فوق بس متخافوش الموضوع ساهل جدا جدا ولو انتوا قريتوا الموضوع دا كويس هاتتبسطوا من التقرير الطبي موضوعي في جوجل نول وحاصل على المركز السابع في المسابقة الاولانية لجوجل اضغط [فقط الأعضاء المسجلين يمكنهم مشاهدة الروابط. إضغط هنا للتسجيل...]

اخر جزء بقى الدكتورة صفاء الشنواني ربنا يكرمها هاتدخل تدردش معاكم شوية في medical ethics اخلاقيات الطبيب ودا درس برضه مهم جدا على جميع الاصعدة وجا منه سؤال في امتحان اخر السنة

الاختبارات خلال الراوند

فيه ٤ اختبارات بتحصل خلال الراوند المشكلة في ايه؟؟

ان فيه ٣ اختبارات بتطلع من الدرس في الراوند تمتحن عليه علطول!! يعني مش بيدوك يوم تحضر لا تطلع من الراوند تمتحن يعني لازم تركز وتحفظ ونتا في الراوند

اللي مش هايجيب بالطوا هياخد صفر ودي عندهم مفيهاش نقاش
طبعا هما بيقولوا قبلها ان بكرة فيه اختبار
ايه الايام دي دول ::يوم reinisch test
ويوم blood semen
ويوم color and crystal test
اللي انا عامل جمبهم نجوم فوق
كل يوم من دول عليه ٥ درجات

الامتحان الرابع اللي فاضل عليه ٥ درجات وبيبقى ٣ اسئلة من ضمنهم واحد تقرير طبي جاهز وانتا تملاه من صورة والسؤال الثاني بصمة والثالث مفاجأة ههههه ممكن يبقى اي درس المهم انه بيتعلم من ١٥ كل سؤال خمسة وبعدين يتقسم على ٣

طبعا فيه يوم لتعليم التقرير الشيت وخاصة التقرير الطبي وعليه ٥ درجات

ويومين بحالهم ومالهم علشان السيمينار ((البحث يعني))

ملل اخر نظام وتقعد تقول البحث بتاعك قدام زمايلك وتتهزأ وحالتك تبقى بله هاتغيب اليوم اللي معلكش فيه البحث؟؟

الغياب يوم من دول ب ٣ ايام غياب متغيبوش احسن بس فيه حل كويس لتضيع الوقت نزلوا جيمزات على الموبايل وربنا يسهلكم

طبعا كل عشرة عليهم بحث ما مع دكتورة ما كل اتنين في العشرة بيبقى عليهم جزء ما واتنين من الاتننات بيبقى عليه تنظيم البحث وتقديمه باوربوينت

وهكذا عليه ٥ درجات

فيه يوم بنروحه مركز السموم

اخر يومين بيبقوا مراجعة للي في المتحف
ملهمش لازمة خالص
واللي يقعد يذاكر في البيت احسن

ايه المتحف دا؟؟

دا عامل زي متحف الباثولوجي كده موجود في القسم قصاد المدرج وفيه العظم و وبعض المجسمات الحققية لما هو مصور في الكتاب لكن متقلقوش الصور بس اللي بتيجي في الامتحان فيما عدا العظم


[motr]ايه هو نظام الامتحان وتوزيع درجات امتحان الراوند؟؟[/motr]

كالعادة جزء عملي وجزء اعمال سنة

العملي ٦٠
اعمال السنة ٢٠

العملي :: ٤ x ٥ اختبارات assessments = ٢٠
التقرير الطبي ٥
البحث او السيمينار ٥
امتحان spots ١٠ عينات x ٣ كل واحدة = ٣٠
يبقى المجموع ٦٠

الامتحان نظامه ايه؟؟؟

بتقف في دايرة حوالين البنشات وبيبقى قدامك ظرف فيه شوية صور وانبوبة اختبار color test وعظمة
او اتنين وبيكون فيه رصاصة او اي حاجة متعلقة بالدرس دا

الثابت::

تقرير طبي
identification bone (male&female)
identification pic (age)
head injury or fire arm injury
abortion or asphyxia
color test
finger print
toxic seed
microscopic test (hear or fiber or reinish or blood and semen)
chromatography

وورقة اجابة وورقة اسئلة فيها ١٠ اسئلة
الصور والعظم والانابيب هاتكون مترقمة وماشية مع الاسئلة فتركزوا على الرقم علشان متعكوش
التقرير الطبي ها يتكتب كامل مكوناته ومحتواياته السبع:

نوع الاصابة ووصفها وعددها وابعادها
مكان الاصابة
نوع الالة المستخدمة في احداث الاصابة
الاصابات المشتبه مصاحبتها للاصابة
الفحوص المطلوبة
العلاج الذي اجري
الوقت المتوقع للشفاء

طبعا دا كله بالعربي ومن على الصورة

اعمال السنة ايه نظامها؟؟

طبعا بعد متخلص العملي تسلم الورقة وونتا في مكانك تمتحن النظري

طب اعمال السنة دي عن ايه؟

الجزء اللي في المحاضرات اللي توافق مع الراوند بتاعك في وقته هو اللي هاتمحن فيه

يعني

مش احنا قلنا ان النظري بيخلص في ٣ شهور يعني تيرم؟؟

لو قسمنا النظري *----جزء ١---*-----جزء ٢----*-----جزء ٣----*

٣ اجزاء وجا معاد الراوند بتاعك مع الجزء التاني

يعتبر الجزء دا هو اعمال السنة بتاعك وملكش دعوة لا بجزء ١ ولا ٣

ودي المشكلة

انك بتذاكر ثلث المنهج بس مع الراوند ويمكن اقل وبعد كده تطنش خاصة انك بتاخد المحاضرة مع راوند تاني بعد كده

مش فاهم؟؟؟ مش مشكلة

هما بيحددوا اللي عليك وبينزل ورقة بكده قبل الامتحان


الامتحان بيجي اختيارات واكمل بالهبل ووصل وصح وغلط كل نقطة عليها نص وتعريفين كل واحد درجة


وبيجي تقيل شوية
السؤال الاكمل بيعوز اربع نقط ومبيبقاش فيه غير الاربعة دول زي الباثولوجي كده فيتكون عارفهم يا ربع او اتنين يطيروا

كفاية كده دلوقت ونكمل المرة اللي جاية