افتح سكاتك بوابات
وادخل لحد الأرصفة
المتسابة مشى
وبياعين..
شايلين فى روحهم ..
دمهم ..
عرقسوس
يا عطشانين الكلام
من فضلكم
خلوا المداس
للدخول
عتبة .. وسجادة .. وسلام
الخوف
بيلضم سبحة الحزن
/ الجراح
الصمت ..
مدّى الفرصة لظهور الأنين
فيه ناس بيدهش نفسها
كتر السكات
فيه ناس بتضحك م البكا
ويبانولك
فرحانين
فيه ناس بتهرب م الممات
وأكيد أكيد
فيه ناس بتبعث من جديد
فتح الهوى
حضنه
زحمة عيون الخلق
ذوى احتياجات فى العنين
فى القلب
أشعارى ودفاترى
وصفحتى ع النت
أحجب حكاياتى القديمة
وبوحى بالسر
......... استشاط
عيل تفاصيلى
فى اليوم يطوفله ألف شوط
على كعبة الفضفضة
صبح عادى
يومه مزنوق بالملل
والبخار
والغيوم
زخات مطر
شىء بينبت
جوه منى / جوه منك
دوشة من حلق السكات
طالعة بتجيب الخراج
مبقاش سكاتك لسه بكر ..
مبقاش ..
جرىء .
علاء عبد السميع
سـوهاج
ساحة النقاش