شعر / حنان عطية
حال الدنيا
ايوه يادنيا مقلوب حالك
طايحه فينا ليه كده مالك
كتروا فيكى الكدابين
وبالف وش الناس عايشين
مبقاش فى حد يصون العشره
وفى النداله عشره على عشره
ونقول بكره هتتعدل
نلاقيها اكتر تتاندل
سم البشر فيكى انتشر
من اللى شوفته قلبى انكسر
زمن الغش والاعيب
هو ده الزمن الجديد
ناس منافقه وناس كدبه
وناس لسه عايشين غلابه
عوضى على الله فيك يازمان
خلاص اتغيرت الاحوال
