شعر الأدبية مرفت ابو فخر
قلت عاوزة اكتب عشانك
يوم قصيدة
قمت تهت وسط الحروف
قلبي هربان مني خوف
إيه يكفيكي يابلدي
وايه يوفيكي يا مصر
ألف ميت مليون حكاية
تشهد ان انتي بهية
شهر زاد
بجمالها واقفة
تبص خلف المشربية
أدهمك فارس زمانه
جاي راكب لك حصانه
والتاريخ مكتوب وغنى
في الهوى مواويل عشانه
عانى في عشقه لترابك
عمره كان سجدة ف رحابك
فوق ترابك كان ميلادي
منبتي وزهرة شبابي
لحظة من عمري الجميل
الكرم فيكي شيء أصيل
وف بلاد الدنيا ابدا
عمري ما لقيتلك مثيل
أرض واللادة عفية
نورها غطى الكون بحاله
ومين راح ينكر جماله
والجميع من خيرها داق
بعد مالحال حينها ضاق
بالعباد والشدة طالت
مصر قامت يومها قالت
عندي زاد يكفي البلاد
خير من رب العباد
دأنتي م الرحمن هدية
نبض قلب الإنسانية
أجمل الألوان ف عيني
لون حجابك
عمري لو ضاع مش خسارة
في جنابك
ياللي مابينسد ابدا
في وجوه الكل بابك
مهما يتعدوا
عليكي االظالمين
حتفهم كان بين
إيديكي مدحورين
واللي مشيوا سالمين
بعد التعدي
لبسوا توبك راغبين
ربك بيهدي
صبغتك بهتت عليهم
مانتي جبارة يامصر
فوق جبين الدنيا نورك
تاج كرامة وعز نصر
