قصيدة بعنوان (حبة غجر) كلمات الشاعر : احمد الحجاوي
ضحكوا عليكى يا سينا يوم حبة غجر ............ ازاى أنا هصدق فى يوم إن الغجر يبقوا بشر؟؟
عملوا معاهدة للسلام ورموكى لشوية غجر ...... وقالوا ع ولادك كلام لكن أنا بقولك فشر أيوة فشر ... دولا غجر
أصغر عيالك لما شاف فيكى عذاب قلبه انفجر .... على رمل أرضك ياما خاف علشانه واحد م البشر ... مش م الغجر
عضوكى بسنانك كلاب حرموا ترابك من الشجر ..والله لأجيب الشباب وأحميكى من ظلم الغجر
أيوة غجر ... وولاد غجر
والله حرام ... سرقوكى بشوية كلام
ونقول معاهدة للسلام
شوفوا الكلام وين السلام
اااااااااااه يا سلام
اه يا سلام لو ييجى يوم وأقدر أكون جيشك وأحارب
وأقضى بأيدي عالهموم وأرجع الحق اللى هارب
ايوة هحارب وسط العقارب
مع أنى عارف أنكم بتقولوا عنى في سركم دا شكله ضارب
عايز يحارب وكمان يرجع حقكم دا باينه شارب
بالزمة ياللى بحبكم مش بردو قولتوا فى سركم ضارب وشارب ؟؟؟؟؟
والله ياللى بحبكم بحلف لرجع أرضكم وفى يوم هحارب لازم أحارب
ردى يا سينا وقولى للى بحبهم انك حزينة .... وقوليلهم أنى منهم وأبنك يا سينا
صحرك بيصرخ أصله قاعد ينكوى ... مسكين يا ناس م الشمس قرب يستوى
عجز وضاعت السنين وعمره قاعد ينطوى ... امتى قولولى يا مصريين رمله هيشرب يرتوى ؟
شاف الأسى ويا العذاب ويا الهموم ... فضله اتنسى حرقوه كلاب بتقول شالوم
نسيوا جميل الصحرا ليه وراحوا باعوا ؟؟؟ دا لولا فضل الصحرا دى لكانوا ضاعوا !!!!!
هى اللى شالت الجنود على ضهرها أيام زمان ... علشان تحرر أرضها وتحارب الكلب الجبان
وبعد أما رجعت أرضها وأتشبع الشعب الجعان .... رد الجميل وعضها في أيديها وسرقها وخان
حبة غجر.. أيوة غجر.. مش م البشر .. لكن فشر
مين اللى يقدر يسرقك منى أنا ردى يا سينا ؟؟؟
دا فى بعدى عنك يومى بيعدى بسنة وأنتي اللى لينا !!!
وعذابى فى حضنك هنا دا أنتي بلادنا وأرضنا
يـا سينا يا أرضــى أنا .... يحميكي بـدعـــى ربــنـا
هفضل أدافع عن ترابك ... وارجع الزرع اللي سابك
لحد ما يجينى الخبر
ويقولوا قطعنا كلابك ... ونصرنا ربك اللي جابك
وأدى جزات اللي صبر
ويقولوا خدناكي بأيدينا والشعب والجيش انتصر
ويقولوا جبنا حق سينا وخلاص قضينا ع الغجر
أيوة غجر ... حبة غجر... وولاد غجر
لكن فشر
هما غجر ... وإحنا بشر
كلمات : أحمد الحجاوى
ساحة النقاش