قصيدة بعنوان (مين اللي قال هنسيبك يا سينا ؟؟) كتبت في تركيا اشتياقا لسيناء
للشاعر: أحمد الحجاوي
صباح الخير يا أرض سينا يا كل حياتنا ونني عينينا
مين اللي قال هنسيبك يا سينا ؟؟ دا أنتي الحضن الدافي علينا
وأنتي القلب والروح اللي فينا ورملك دا بركة وغالي علينا
دا يوم نصرك فرحنا وغنينا و في المساجد كبرنا وعلى أرضك صلينا
وخدناكي بالقوة ورجعتي لينا بعد أما عشتي في ليالي حزينة
مين اللي قال هنسيبك يا سينا ؟؟ دا أنتي اللي علشانك عبرنا وعدينا
وأرضك دي طاهرة وغالية علينا ومش هنفرط فيها يا سينا
دا نخلك يا سينا بيضلل علينا لما بتحمي شمسك علينا
وحبك أمانة وواجب علينا دا إحنا في أرضك اتربينا
مين اللي قال هنسيبك يا سينا ؟؟ يا روحنا وحياتنا وكل اللي لينا
ولولا غلاوة ترابك علينا ما كنا حاربنا عشانك يا سينا
دا رملك هدية ونعمة علينا و لازم نصونه ونشيله ف عينينا
هنفتح طريق العمار بإيدينا ونبدأ نصلح خرابك يا سينا
مين اللي قال هنسيبك يا سينا ؟؟ دا أنتي الأم الحنونة علينا
و لحضنك ياما شوقتينا علشان كدا كلنا ضحينا
آن الأوان لعمارك يا سينا بعد الدمار اللي سيطر علينا
وهنزرع لأجل تكوني جنينة وييجي الخير ويعم علينا
مين اللي قال هنسيبك يا سينا ؟؟ دا حضنك يا سينا بيطبطب علينا
دا من ربك إحنا إتوصينا ومن أجدادنا ومن أهالينا
مين اللي قال هنسيبك يا سينا ؟؟ يا أجمل حكاية حكوها لينا
كلمات : أحمد الحجاوي
25/8/2008
ساحة النقاش