الكاتب سالم هاشم
7 ساعة
ـــــــــــــــــــــــ نعى العروبة ـــــــــــــــــــــ
النعى منشور من زمان
والجثّة ما اندفنتش
على كرسى قاعده مربعه
وكأنها ماماتتش
..
الكل فاكر انها واعيه
وعنيها مفنجله
ثابته ولا بترمش..
..
طاف الغراب بالشبح
نعق بصوت عالى
والكلب لما نبح
الجثة ما انتبهتش
..
الكرسى منصوب
على أول الطاوله
والساده الميتين
بيرأسو الجوله..
..
وحبة قرود خنازير
عايزين يكونو دوله
بشهادة الجثامين
على إنهم عايشين
وحكمهم نافذ
على الملايين
يا 300 وحلة.......!!!؟
..
دول ميتين
والارض مش ليهم
والحكم لاهل الطين
عمرو ما كان ليهم
وازاى لقاضى خيال
يحكم بأى قرار...؟؟؟؟؟
.
يانهااااااااار..
ملهوش
لا معنى ولا ملمح..
..
نبكى على اللى كان
ولا عليه نفرح..
ان الخيال مننا
له حكم فى مماته
وشهادته
سيف قاطع
لجرانه واخواته.....
لااأ
فوقوا يا نايمين
يا إما
تعيشوا كما الاحرار
يا
تسكنوا الجبابين.....
..
فلسطين
دوله عربية
وحدودها عربية
وناسها عربية
ودينها دين الله
اسلام لأمر الله
والقدس مسجد
يتزار كما الكعبة
قالها النبى
ياترى هانصدقوا؟؟؟؟؟
و
ولا احنا هنزور
ولليهود
هنلبى ونكبر..
.
ونطوف ليهيكلهم
نسجدلو كم سجده.....
..
فينك يا للى اسمك الوحده
فينك يا أمه عربية
الأرض عرض
والدايس عليه معتدى
والدم حكمه الدم
والظالم المبتدى..
وهمّا طول عمرهم
بيدنسوا ترابنا..
ودمنا ديما
رخيص عندهم مالوش لزمه...
..
يبقا نقوم ونفوق
ولا اا..
نفضل فى رجليهم
من شوكنا نحميهم
مداس كما الجزمه...........؟؟؟؟؟؟؟؟؟
..
سالم هاشم
المنصوره