ولا ألف لحظة ندم ... كلمات أبو يوسف محمد
ليه الدموع رفضت
أطويها وأتحمل
حتى الكتاف ضعفت
وصبحت ما تتحمل
وأمشى ورا الأحباب
طريق أمل ضايع
أمشى سراب وسراب
حتى القلم بايع
اكتب دموع صفحة
فى ألف كتاب وكتاب
وحروف الكلام رايحة
ترسم وجع وعذاب
وتشكى لمين يا قلبى
وأنت ضعيف مجروح
تشكى من اللى جرح
وهوة اللى كان الروح
وترسم حروف الكلام وجع
وسن القلم مجروح
وإزاى يا قلم
إزاى يا قلم هتكتب فرح
وإنت يا قلم موجوع
وحبيبى سابنى فى ألم
ألم وبكى ودموع
ولا ألف لحظة ندم
هتشفى فى يوم الألم
دا حتى الألم موجوع
