مخنوق
من ثورة نامت
من غير ماتشوف ثمارها
رغم الدما اللى سالت
وحريم فقدت راجلها
جات تعدلها مالت
وخيبت خاطرها
لما انصاصها قامت
ونيمت قالبها
دبشة فحلة هالت
وطينت باللها
خيبة الأمل كانت
وربك كان ساترها
سنين فسادها زادت
والشعب كان راصدها
وكل ابو عمه كاتت
من سجنه صاحب نصيبها
سخم ريحه ابو جاكت
لما زعل خاطرها
كبرنا كبيره حاطت
فى دماغه انه ضامنها
و الدايرة بسرعة دارت
وخبيزها رجع عجينها
وثورة لثورة شالت
والشيلة تعبت صاحبها
والشعب فى ضل ساكت
قرفان من حال ولادها
والخنقة بجد زادت
لو قطة كالت ولادها
......وائل سعيد........
