((((( نسيني يا ليل )))))
نسيني يا ليل فراق الأحباب
و داعب أنفاسي بنسمة تواسيني
قلبي من بعده تراه طاب
وهو قاسي علي ما عاد يجيني
خذني ياليل بحضنك فوق السحاب
يمكن أشوف بين النجوم ناسيني
نسي حبي وانا لي عليه كلمة عتاب
من غاب عني ولا مره سأل فيني
ليتني أعرف ويش هي الأسباب
اللي خلته يرحل و يترك مياديني
مهموم قلبي من يوم حبي غاب
و إنت ياليل وحدك تراعيني
أحسبه هو كل مادق علي الباب
أقوم أفتح ألقى غيره جاي ينسيني
ليتك تسأله ياليل ليه بس العذاب
وليه طول هالفترة الزين مجافيني
لو زعلان مني يرسل كلمة بخطاب
من شروق الشمس يصبح يلاقيني
لكنه قرر عذابي و خلاني منصاب
رحل عني تركني مطعون بسكاكيني
ليته يطمني عليه و يأجل الحساب
أبي أعرف أيش أخبار حبي وحنيني
وحشني بنظراته طويل الأهداب
وبضحكته وصوته كان دوم يغويني
بعد هجرانه يا ليل ما شفت جذاب
يحرك شجوني أو يملى بحر عيني
إن قلت أقدر أعوفه تراني كذاب
إشلون أقدر أعوف تاج سلاطيني
أنقذني ياليل ترى القلب لهاب
ينتظر شوفته وضمت يمينه بيميني
إن كنت تعتبرني لك من الأصحاب
خلني أشوفه وأكلمة يمكن يداويني
بكثر نوحي صارت كفوفي خضاب
أبكي وأمسح دموعي الدم فهد بن عبدالله الصويغبإيديني
أه يا ليل من بعده الشعر الشاب
وهو ثقلان علي ولا وده يحييني
قسم إني ميت ينقصني التراب
من غاب عني والأكفان تستهويني
عجل يا ليل ما بقى لي غير كتاب
يا ترده لي يا بالموت قوام توافيني
صائغ القوافي الشاعر
فهد بن عبدالله الصويغ
16-2-2017
