* هَوَاكِىِ شِرَيانُ وُجُودِىِ *

حَبِيِبْتِىِ اللٍىِ بَحِبَهَا : بَدْرْ البِدُوُرْ ضَيًهَا .. مَعَاهَا لَقِيِتْ نَفْسِىِ .. هِىً كِلْمِتِىِ وْحَرْفِىِ .. هِىً مُهْجِتِىِ وْنَبْضِىِ .. هِىً مَرْكِبِىِ وْشَطِىِ .. وِنِدَاهَا هُوَ تَرْدِيِدِىِ * حَبِيِبْتِىِ صُوُتِكْ نَغَمْ .. بِيِسْرِىِ فِىِ حِسِىِ وِفْ رُوُحِىِ .. يِدَاوِىِ بِهَمْسِتُهْ شُوُقِىِ .. وِبْلَمْسَهْ مِنٌهْ : بَدٍلْ آهَاتِىِ وِجْرُوُحِىِ .. صَبَحْتِىِ لِدُنْيِتِىِ مِرَايِتِىِ .. وِطِيِفِكْ رَفِيِقْ غُرْبِتِىِ : فِىِ نُوُمِىِ وِتَسْهِيِدِىِ * حَبِيِبْتِىِ : لَوُ نَزَفْ وِجْدَانِىِ الأنِيِنْ .. أوُ جَفْ نَهْرْ الحَنِيِنْ .. نَفْسِىِ هَيُحْضُنْهَا مِيِنْ ؟ .. غِيِرْ اِبْتِسَامْتِكْ حَبِيِبْتِىِ .. تِرْوِىِ بِالأمَلْ صَبْرِىِ .. وِتْقَوِىِ بُنْيَانْ صُمُوُدِىِ * مِنْ نَظْرِةْ عِنْيِكِىِ حَبِيِبْتِىِ ، دَابْ خُوُفِىِ مِنِىِ أنَا .. وِبْلَمْسِةْ اِيِدِيِكِىِ عَايِشْ فِىِ شِرْيَانِىِ الهَنَا .. مَلَكْتْ بِيِكِىِ حَبِيِبْتِىِ ، كُلْ أحْلامْ المُنَىَ .. دَا هَوَانَا حَبِيِبْتِىِ دُنْيَا ، بِتْضُمِنَا لِوَحْدِنَا .. لَوُ بعًدِتْ بِيِنًا الخَطَاوِىِ .. نِقُوُلْ لأشْوَاقْنَا : يَانَبْضِتِىِ لِجَنْتِىِ عُوُدِىِ * عُوُدِىِ لأحْضَانْ بِتُشْرُقْ بِنُوُرْ طِيِفِكْ .. لِمُهْجَهْ بِتْنَامْ وِتِصْحَىَ عَلَىَ حُرُوُفِكْ .. وِحَبِيِبْ عَاشِقْ ضِيَاكِىِ .. رُوُحُهْ وَطَنْهَا سَمَاكِىِ .. بِتِحْلَمْ بِلَحْظِةْ لُقَاكِىِ .. وِمِيِنْ هَيِضُمَهَا سِوَاكِىِ ؟ .. وَاحْشَانِىِ هَمْسِةْ نِدَاكِىِ .. بِيِهَا عَلَىَ الوَلْهَانْ : مُنَايَا تِحِنِىِ وِتْجُوُدِىِ * زَرَعْتِكْ حَبِيِبْتِىِ قَلْبْ فِىِ كَيَانِىِ .. يِطْرَحْ زَهْرْ الأمَانِىِ .. فِىِ نَبْضْ وِجْدَانِىِ .. وِيِقُوُلِىِ : حَبِيِبِىِ لَوُ فَرًقْ مَا بِيِنَا المُوُتْ : هَوَاكِىِ فِىِ أحْضَانِىِ .. حَبِيِبْتِىِ : خَلِىِ الوُجُوُدْ يِفْنَىَ .. خَلِىِ البَشَرْ تِنْسَىَ .. حَتَىَ عَ الحَبِيِبْ تِقْسَىَ .. مِنْ حُبِكْ شِرِبْتْ الحَنَانْ أنَا .. وِازَاىِ عَلِيِهْ أقْسَىَ ؟ .. وِفِيِكِىِ دَابِتْ حَبِيِبْتِىِ : كُلْ ذَرَاتْ كَيَانِىِ .. مَعَاكِىِ حَسِيِتْ بِذَاتِىِ .. وِدُقْتْ طَعْمْ الأمَانِىِ .. وِبِيِكِىِ مَلَكْتْ مَجْدِىِ وِخْلُوُدِىِ * حَبِيِبْتِىِ هَوَاكِىِ نَهْرْ اِحْسَاسِىِ : فِىِ نَبْضْ القَلْبْ سَكِنْتُهْ .. هُوَ نَاسِىِ وْشُهُوُدِىِ * هُوَ اِنْتِىِ حَبِيِبْتِىِ .. هُوَ نَبْضِىِ وِدَمِىِ .. هُوَ شِرْيَانَ وِجُوُدِىِ * *(شعر/ اشرف حنفى على)*

*********************************************************************