يا بخته
يا بخت- من حداه قنطار
وطن - نيَه تكون صافيه
يقوم م النوم يبلَ الريَق
بدعوه من قلوب وافيه
و يحمد ربَه ع النعمه
م يتكبَرش ع المخاليق
م يتفرعنش ع الغلبان
و يحلفلك بانه برىء
م يتسحلبش وسط الناس
و يحشر نفسه بالعافيه
بيلبس هدمة التعبان
وسمَه جاب لنا الكافيه
وهوَوا يدوب معاه ملايين
وكام فدان
بيتشعبط فى أى طريق
يمدَه لخطوتين ادام
ويعمل فيها شاب جرىء
و هوَوا جبان
ده جايى و عينه على قوتى
ناويلى و ناوى على موتى
وأشرف لى ان اموت على حق
ورافع راسى وسط الخلق
أنا الفلاح بجلبيه
أنا الغيَور على بهيه
أنا اللى و عيت على الدنيا
لقيت عندى وطن - نيَه
بقلمى \ محمد العربى
