مشتاق لعيونك وشفايفك
وجمال الورد ع الخدين
ده القمر لو كان شيفك
لكان بات الليالى حزين

*******

انت متربى على السكر
ولا ع المرون جلاسيه
ليل ونهار فيك بيفكر
وشتالك ماعرفش ليه
حرام عليك تشغل بالى
وتسيبنى اسرح بخيالى
حن وعطف على حالى
دانا من غيرك مسكين

*******

مشتاق لعيونك وشفايفك
وجمال الورد ع الخدين

*******

نفسى اصرخ واقول بحبك
علشان تسمع كل الناس
واغنى على دقات قلبك
كلام كله رقة واحساس
مهو اللى زيك مالوش تانى
ولا اتواصف فى الاغانى
من حظى الهوى رمانى
فى طريقك ياسيد الحلوين

******

مشتاق لعيونك وشفايفك
وجمال الورد ع الخدين