الشجر عروه من ريحة الزهور
سمروا عيونه
بحزن الصبايا البور
والنخل تاه فى السما \
خايف من عيون بتجور
وانا لسه خالع الحلم من جوا الصدور
كل الغلابة بقى حلمهم
زى البخور
بيبعونا فى سوق النخاسة
بكسوتين دمور
احلب يا واد العمر
بالامر
لافيه عتب ولا دستور
دم الشهيد مشروب ولاد
الايه ....
بيسمحوا لك تنزف
غياب وحضور
حضورك فى اول واخر حرب
وموتك دا واجب فرض
الظلم قوت
وتتروى بضرب (البوت )
الشهيد بيعيش فى البراويز
وانت فى الاغانى والتهليس
وفى الجرنال مكتوب لك
انت عزيز
والناعى كل يوم له عريس

Mohammed Dawood