-حكاية فقير----كلمات الشاعر احمد جابر سويلم
شيلونى الحمل بدرى
-من عفيتى شلت حملى وقلت اجرى
وابتديت فى صراع مركبى
هاج عليا البحر موجه
واتحبست ماعرفت اجرى
واتعفيت على موجه جايه
شيله جواها ماضى
قلت ابص واشوف حكايتى
والعذاب كان ليا قاضى
اتنفض من حلم فاضى
حلم شايل حكايتى
وانحنى ظهرى العفى
والشباب ولا وفى لحظه اختفى
والعصى فى الطريق صبحت سند
وانتهى عافية ولد
واضحكى يادنيا تانى
-واقطفى زهرة ولد
-واكتبى اسمه يوم مااتولد
-واهتفى باسمه مره
ولااسمه مات يوم مااتولد
عاش فقير العمر كله
-لف فيكى مالبلاد الف بلد
والنصيب هو هو معاه اتولد
والحياه قصة بتنكتب
-اسم ميت مات وانشطب
-والرساله لسه فيها حرف عالورق
-والعبى يادنيا دورك
-مااحنا عارفين الكل فيكى بينشطب
والعمل من بدرى والله بينكتب
شيلونى الحمل بدرى
وانتهيت وياحملى يوم ماابتدى
والحكايه قصه فقير
عاش ومات فى الفقر بات
قلبه عاشق ربنا
مهما زاق المر صابر
والحياه داس عليها وارتضى
يوم مامات بان عليه الرضى