... من غير كلام ......
عايز ورقه وقلم .
وسبيني مع نفسي ..
اسرح في الخيال .
يمكن الاقي نفسي ..
اكتب كلمه ... وبس .
والتانيه ؟؟؟؟؟ ناسيها ..
طيب .. استني شويه .
يمكن .... الاقيها ..
الكلمه الاولي . انا .
والتانيه .... كمليها ..
طول سنين عمرنا .
ماكنت بقولها ..
لكن اكيد حساها .
من غير ما اقولها ..
ماهو انتي عارفه اني .
من غير ما اتكلم .
في قلبي شايلها ..
دا الحب ابداً عمره .
ما كان في يوم كلام ..
دا بالفعل ياعمري .
والفعل يكون تمام ..
سنين عايشها في حضنك .
عيني ماشافت غيرك ..
ولو الف ست ياعمري .
ابداً ما يكونو في خيرك ..
دا انتي اللي تعبتي .
وسهرتي ايام وليالي ..
تراعي ابني وبنتي .
وتربي لي في عيالي ..
ولا عمرك يوم شكيتي .
ولا شيلتيني الهم
طول عمرك وانتي .
بتضحي وتسقينا الحنان .
ايوه . انا بحبك .....
بحبك . من غير كلام ..
فتحي وجيه
