قصيدة بعنوان ( رسالة )

الشاعر / أحمد صبري عبدالباري الواحى

رسالة فيها. .
نقطتين وحرفين
اوثلاثة ماوصلوش كلمتين
كل همسة حبر فى الرسالة
بتقول بحبك وعاشقك
وحبى ليك لا يوم هينكسر استحالة
فتحت الرسالة
لقيت عيني للدمع سيالة
قلبى كان بيقولى
هى دى اللى بتحبك
هى دى احسن انسانه
كنت أقول له خليك فى حالك
وما تكلمنيش غير لما اقلك تعال
بلا حب بلاكلام فاضي
أصل اللى يتلسع من الشربه
ينفخ في الزبادى
وانا في وادى
وقلبى باله مع الطير الشادى
ونبضات قلبى عليه بتنادى
وانا سامع
وعامل نفسي مش سامع
وأقول دا شئ عادى
ما اعمل ايه يا ناس
ما أصل قبل كده
حبيت بإخلاص
وحبى ليهم بالرجلين انداس
وجى دلوقتي تقولى حب وخلاص
دا حتى انا بشر وعندى إحساس
ولا نسيت قبل كده
لما كنت تقولى دا سيد الناس
ما تتسرعش ياقلبي تانى
وجيب الحاجة من الأساس
وإن كان على الرسالة
والدمعة السيالة
ما ممكن تكون مجرد سؤال
مش حب فوق الرأس ينشال
فرد الرسالة
انا قلبى تعب
من كتر قولة تعالى
فابعدو عنه
خليه يعيش سلطان زمانة
الشاعر / أحمد صبري عبدالباري الواحى