موسيقى الشعر العربى
................. يـا حبيبــي متبعدش عـنى ...................
.................................................................
للدرجادى مشتاقتش ليا
للدرجادى مسألتش عليا
وداير تشتاق لكل الناس
وداير تسأل ع اللي مجاش
كأن مفيش بنا إحساس
وأهو حب يتقال وخلاص
أحلى كــــلام قلناه
أحلى غرام عشناه
ايه اللي جرالنا وغير حالنا
والحب بنا مستحيل ننساه
بفكرك بعهودنا بفكرك بوعودنا
وكانت سيرتنا على كل لسان
ولو حتى إتحسدنا أو بعدنا
حبنا أأقوى من النسيان
ليه الشوق بنا يقل
ليه اللهفه بنا تدبل
تعالى نتكلم بكلام واضح
ونقول اللى جوانا ونتصارح
ولو فيه بنا ظلم جارح
عايز عن هوانا يبعدنا
أنا وأنت نبعده ونتسامح
وأعاتب قلبى قبل ما أعاتبك
قول قاسيت ليه علي حبك
عتاب القلوب يصحى الأحبه
ويرجع تانى شوق المحبه
أنسى كل الدنيا عشانك
وأنسى كل اللي حواليا
ومنساش عطفك وحنانك
والقاك جنبى بتخاف عليا
يبقي أذاى أسيبك وألامك توجعنى
انا طبيبك ومستحيل تـــروح منى
وأحلى كلمة أحب أسمـعها منك
لما تقولى يا حبيبى متبعدش عنى
..........................................................................
.....................إحساس/ حســن الشــوان ..................
.......................22/ اكتــــوبر /2015....................
.
