موسيقى الشعر العربى

....................... الورد فتح علي خدك .............

.................... إحساس / حسـن الشـوان .........

.....................................................................
حبيتك وانت صغيرة
تابعتك وانت أميــره
ملابسك بريئه وشعرك ضفيرة
بيهفهف علي ضهرك
رقيق بلون مشاعرك
ومن ايامها وانا بتمناكي كبيره
انا شايفك من صغري
وشفايفك بتنده أسمي
وعمرك بيلاحق عمري
وبحنانك لونت رسـمي
لدمت النجوم في عقد
طرحته علي صدرك
نور كل الدنيا حولك
قلبي خد القرار بجد
خد القرار أقـــــولك
عشان أبوح لك بأمنياتي
وأقولك الحقيقه يا مولاتي
انا غريق في بحرك
ومين ح ينقذني غيرك
واسمي في سرك
وانا كمان أسيرك
كبرتي ادامي يوم ورا يوم
وفي قلبي بيزيد ودك
وإبتسامتك تاخد مني النوم
والورد فتح علي خدك
معقول الورد ده وردك
والعطر ده من عندك
ولما سألتك بخواطري
علي قد الكلام ردك
اللي حسيته بمشاعري
وجبرتي بنظرتك خاطري
وانا ماليش قبلك ولا بعدك
ياللي خلتيني أحب عمري
........................................................................
................... إحساس / حسـن الشـوان .........
............................15/اكتوبر/ 2015.............