قصيدة / أجمل حضن ( عامية )

------------------------------
أجمل حضن ...
لما تلاقي اللي انت تحبه
ساكن حضنك ما يفارقكش ..
مهما يكون
أجمل حضن ...
لما بتتملكها ف قلبك
طايرين بين سماوات الحب
بعشق جنون
فرحة وضحكة وهمسة حب
بتملي الكون
نظرة سحر بِنِن عيونها بتخليني
أعيش مفتون
واما اشتاق وأخدها ف حضني
بننسى الحيرة وكل الظن
بيكون حضن خيال مش عادي
مليان آهه لما تحن
فلازم أحضن فيها عيونها
واحضن شوق تحكيه بجنونها
وما اشبع أبدا
إلا يكون الحضن حنون
وهيا تكون بين كل ضلوعي
وجو القلب وروحي تمون
فاحضن نفسي ... الاقيها تئن
وتطمني ...
إني سكنت ف كل عروقها
وف شرايينها وجوا النين
وصار شريانها يجري بدمي
وأعصر شوقها جوا بقلبي
فازاي تهرب تهجر حبي
ابدًا ابدًا عمري ما اهون
مش راح اعيشها
شجون ف شجون
أصلي حابسها جوا ضلوعي
والمفتاح مضمون مضمون
ومهما هتبعد تفضل ساكنه
جوا ف حضني وبرده تئن
يا أجمل حب
وأجمل نغمة
بقلبي ترن
يا لحن الشوق وغرام مكتوب
بيعيشني غرامها
جنون ف جنون
-------------------------
بقلم طارق الدسوقي
بتاريخ 1/12/2015 م
موثقة