***** بيع صوتك الانتخابى*****

***********************

عينى يا زمن فيك الضمير والصوت ينباع

والفقرا من غُلبهم مشوا ورا الاغنيا اتباع

لاجل ما يأكلوا عيالهم اللى عايشين جياع

ماعرفشى الوم على اللى اشترى والا اللى باع

واللى واخدها عافيه وعايش فيها بالدراع

ياترى اللى جاى احلى والا كله فيك ضاع

********
يا شارى الصوت ودافع فيه الميه
لو صعبان عليك الفقير زود شويه
او كنت زوره فى يوم وحسسه بـ حنيه
ما صعبشى مره عليك ياما الهدوم مداريه
وعلى كتافه جبال شقى نفسه يرتاح شويه
بعد ماتبقى نايب ها تشيل عنه الاسيه
والا اشتريت خلاص والتمن اخده نقديه
*********
على حافظ