حضرة العمدة

حضرة العمدة في ديوانه
ناقصه تاجه و صولجانه
يشرب الشيشة ياعمى
تقولش ملك عصره و اوانه
حواليه الغفر تعظيم سﻻم
شيخهم كبير السن لكنه همام
و المظالم تكتر و ضمير الخلق
نام
وأدى واحد جر واحد مربوطة ايديه
حافي و هدومه ترابها شاهد عليه
يصرخ بريء ياعالم والله بريء يابيه
و اللى جايبه عبايته صوفها انجليزى
ماهو اللبس بينطق عن صحابه ياعزيزى
قال العمدة للغنى تعالي اقعد في ريحى
هاتوا الغدا ياوﻻد اوام اكلونا و شربونا
كل ياعم و بر نفسك هيه يعنى فلوس
ابونا
كوبابتين شاي بس نحبس
و بالصميط ياعم غمس
و الفقير ليه المدمس
اكتم الصوت ياكلب اخرس
لو سمعونا يضربونا
قاله بعد اﻷكل و الحلو ده ماله
رابطينه ليه و ايه اللى جراله
قال الغنى يرضيك ياعمدة
يا أبو المقام و المعالي
يتجرأ اللى من العقل خالي
يدخل الجنينة زى الحرامى
ويمد ايده كمان على اكل نانى
و من ساعتها قاطعه الأكل ياعينى
و الدكاترة رايحة جاية مغلبانى
و صوت نباحها في الليل كوانى
قام العمدة من القعده اتنصب
فط نط كأن فنجانه عليه اتقلب
علقوه اربطوه اضربوه اجلدوه
راحوا الغفر للأمر ينفذوه
و انفض المجلس قوام قوام
و الكلبة نانى قدرت تاكل و تنام
و الفقير نسوه معنى الكﻻم
و الظلم قال للعمدة باحترام
طول ما اللي زيك موجودين
دولة العدل نايمة ليوم الدين

داليا بقايا شاعرة