تغريدة في عشق مصر .. للمبدع / أحمد بيومي
فخور جداً أنا .. لأني بسماري مصري ..
ولأني بروحي وملامحي بردو مصري ..
ورغم الخمسين سنه أنا لسه في حجرها ..
لسايا عيل صغير عمال بيحبي ..
عندي أحلام كثيره أهمها ..
أن أعيش في ظلها رافع راسي وهامتي ..
بس لأني مصري وإبن مصري ..
وفي غيطانها الاقي أكلي ..
وأزرع أرضها بالأمل وأبني من أجل إبني ..
ورغم الضباب في الرؤيه دلوقتي ..
راح آخد عبره من أمسي ..
والون بكره بألوان الفرح وبالتحدي ..
ما يا مصر حتى بسمتي وضحكتي بردو أنت ..
ومها يطول الليل علينا بستنى فجري وأستنى شمسي ..
ومها العمر يجري ما حسش بالزهق طول ما النيل بيجري ..
لأني مصري وقفت وسط أطلال الدول شامخ لوحدي ..
ما الحضارة يا مصر أنت ..
ولو عدو فكر في يوم يلمس ترابك أدفنوا تحت رجلي ..
ولو جريء يفكر من حدودك خطوة واحده كده يخطي ..
يا مصر أنت أغلى والله من إبني عندي ..
أهديك عمري لأني مصري وإبن مصري ..
يا حرف أنطبع من يوم مولدي على جلد صدري ..
يا أهل العرب مصر إسم مكتوب من ماس موش دهب لون قطني وقمحي ..
ورغم المحن ورغم ظلم أهلي ..
قادر أكون مليون شهيد بروحه يفدي ..
أرض العروبة والإسلام والسلام والله يا مصر أنت ..
وقادر لو حاصروك الديابة أكون أسد وزئيره يدوي ..
إحنا شعب من الرجال السمر الشداد والإسم مصري نحب التحدي ..
وقناتنا شاهده إننا أد المستحيل إن يوم طلبتي ..
كلنا جيش علشانك أنت .. بحبك يا بلدي ..
تغريدة في عشق مصر .. للمبدع / أحمد بيومي
