................عصفور الياسمين
................للشاعر : أحمد الشبراوى محمد
عصفور الياسمين
يا حلو ياجميل
عايش فى الجنان
متهنى
عايم فى النعيم
عوم
مع زهرة الياسمين
..............
خلتنى يا عصفور أغير
واحسدك بالنهار والليل
على زهرة الياسمين
مشتاق لنظرة
وانت تملا العين
واقول يا رب حبة دفا
وأنت فى الأحضان تهيم
واتمنى ولو قبلة
وأنت بالقبل
تروح وتيجى دوم
.....................
أيوه بحسدك
يا صغير يا جميل
عالى وطايل السما
حر وطليق على طول
ومن ورود الأرض وزهرها
تاكل ..تشبع..تقوم
وفى حضن أجمل زهرة
تنام يا حلو نوم
..................
أيوه بغير منك
وغيرتى كمان كوم
بين الزهور تمرح ..تحوم
وانا بعيد وحيد
من النعيم محروم
محروم من زهرتى
زهرة الياسمين
