مجروحين
والجرح عايش من سنين
يا حلم كان
لمين وفين
حبة سكك مطوحين
نقول شمال ولا يمين
والحلم مغلوب
في الغلابة
ما احناش ديابة
متعلمين
ده احنا يادوب
طرح السنين
ومتعودين
على حزن دايب في الحنين
ويا عمر راح
كله استباح
ونصيبنا أكبر من الجراح
ضاع الأمل
يوم في النجاح
ماشيين
وتايهين
في سكة ضلمة
وطريق طويل
يا خوفي لما
يصحى الأمل
يكون مستحيل
يشفى العليل
بقلمي ابتسام عوض حسن الشاعرة المجهولة
