***** ديب مسعور*****
ما بتشبعشى ياديب مسعور
عايش فى الضلمه مش فى النور
ومن حوليك الدم بحور
امتى هايجى عليك الدور
ومنك بقى نرتاح وتغور
******
تمللى عاوزها بركة دم
كفايه بقى حرام واتلم
من كتر ماشوفنا شيلنا الهم
بتنام وتقوم فى بحور دم
********
نازل دمار مش فارقه معاك
ومفكر نفسك نبى وملاك
وانت حقيقتك شيطان وهلاك
******
كل يوم مع فجر جديد
بنلقى فينا الف شهيد
والنار يوم ورا يوم بتزيد
******
كام ام تبات قلبها محروق
ومش فارقه معاك يا ابن المحروق
******
مع تحياتى / على حافظ
