قصيدة .. عاشق ترابك يا بلد
للشاعر والأديب رمضان عزوز

عاشق ترابك
عاشق ترابك يا بلد
من قبل حتي م اتولد
*****
عاشق لنيلك .. والهرم
ولشعب معروف بالكرم
****/
بالليل باشوفك ..والنهار
اتمني تبقي في إزدهار
*****
حاضنة الهرم حاضنة الفنار
ضحكة وليد وبسمة صغار
****
فلاح بسيط .. لكن أصيل
نفسه يرد ليكي الجميل
****
جندي .. وشايل مدفعه
رابض هناك في موقعه
****
عالم .. مهندس أو طبيب
شاعر .. مفكر أو أديب
****
عاشقين ترابك ... يا بلد
عاشقين ترابك ... يابلد
بقلمى .. رمضان عزوز
من ديوان اطلال الذكريات