يا شايله من عيني المنام
طارياني لية بعد الحصل؟
مافتي قبل تودعي
خليتي قلبي انا لي العذاب
لليله جرحك ما اندمل
لليله ببكي من الفراق
معزور اذا غنيت معاك انا لي الضياع
وشترت ايقاعك قصد
انا اصلي اشتر من زمان
كم مره غنيت لي العشق
وانا مانسيتك...ايوا صاح
لكن كمان ما مشتهيك
مابنفع ابقي انا ليك حبيب
لابتقي دخري ..... ولا نصيب
لابسمه في الزمن الصعيب
والشي الغريب... الليله جاية بتسالي
فاكراني لسه بحن ليك
انا من زمان وقفت سيل الزكريات
الخلاني اسرح انادي ليك
كان كنتي لي سلطان عشق
واحلامي كلها بين ايديك
بنيتو ليك قصرك قصيد
غنيت ودوبيت من جواي
نميت.... ونميت بي هواي
بعتيهو لية ياظالمه واخترتي السفر
وكان زمان سافرنا في الاحلام سوي
سافرنا لي كل المدن
الشاربةمن الريد روي
سافرت فيك .. وعزفت ليك لحن الهوي
وسط السحابات كان غناك
سافرتي لي الاحزان معاك
انا ما معاااك
امنية ادريس
ساحة النقاش