ياسلام وكتين تماسي 

او ترسل إبتسامه 

بنسي أوجاع السنين 

الحزاين والملامه

القلب يطرب بجيتك 

والمشاعر يبين هيامه

إنت حنك ماف منو 

وحتي زعلك فيك وسامه

بيك دنياي إنت بهجه 

وفي حياتي دليل محبه 

الاله اهداك ليا 

في قليبي بتستخبه

ولما تبسم لي وحاتك 

القمر بتفوتو حبه

يا جمال عينيك ونوره 

وفي بريقن ريدي شبه

ولما تطراني وتسالم 

او تفكر بس تراسل 

ينكسر حاجز المسافه 

وتنهزم بالريد فواصل

الرساله بتحكي شوقك

الحروف انغام تغازل

وبيها اعرف اني منك

وساكنه جواك في المداخل

الرساله دليل محبه 

وبالمحبه حياتنا تخضر

انت روايني بحنانك 

وبيك كوني وريف وانضر

ولسه زايد فيني حبك

وكل ثانيه انا ريدي بكبر

ديمه بتمناك قربي

يااحلي زول في لونو اسمر

✨اسيا الناير محمد✨

7.2.2016م

الساعه 9م