وطني
شعر /مقبوله
كتبتها ليك بي دمي بحبك ولله ياوطني
بحبك وقلي فيك القول بحبك كلما ليك اقول
بحبك في حنايا الشوق بحبك في الفرح والضيق
بحب وطني بلد اهلي وطن حباب بشيل الكل
شديد بلحيل ما برضي الذل
بحب نيلك وغاباتك وطرقاتك واهاتك واناتك
بحب كل الفيك ضمه وكل شعبك الصان عرضك وحماء ارضك
بحب كلمه وطن يمه بدوره اكون كبير عالي وبين كل البلدان غالي
وطن شامخ ولي كل البريد هو مريد ولي اعدأهو مابندار حار وشرار مولع نار كطعم العلقم كلو مرار
وطن قادر علي الحوبات صبور وشديد علي الحارات
بحبك يوووت وفيك بموت حبك ساكن في الاوجاع يوج جواي حب وجاج ساكن جواي ليك بشتاق
ومن غير حبك شعري انا ضاع
وطن مريود ومالي حدود وطن شاسع وطن واسع وما محدود
وطن شال البعيد وقريب فتح ابوبو للاجئ
وطن هادي وطن خيراته بتنادي
وطن عطاي وطن فاتح شرعاتو وطن في التربه خيراته
بحبك ياوطن مسرور وما مغرور
بحبك في الشمال طنبور
بحبك في الشرق غناي
بحبك في الغرب هداي
بحبك في الوسط دوباي
بحبك كل يوم جواي
وطن كل الخلوق عارفه
مابيخشها الجايه
وجمل الشيل مابتمايل
ماهو قليل مابتساهل
يوم الحاره وفي الكيل
وطنا جميل وخيرو وفير
وطنا جميل وطنا كبير.
ساحة النقاش