ياترى النهار راح فين
***************
لحظة ماكان الليل بيتسحب
أنا كنت متعلق بقرص النور
القرص ويا الوقت كان طاير
وانا كنت طاير وقتها من الفرح
عند انتصاف النهار
مصهور ايديا انسكب
طير رماد راسى
تقلت دماغى ,, وقعت
حسيت بغيبوبه
الدنيا كانت زى كحل العين
ياترى النهار راح فين ؟؟
ماجاوبتنيش ونعست
ماصحيتش غير
والليل بيتسحب
وعنيا شابطه ف طرف قرص النور
والقرص كان
طاير .
بقلم الشاعر : على جامع .
:::::
ساحة النقاش