يا ضمير العالم ليه نايم
ما تصحصح فوق
ليه طفل بورما يبات صايم
يصبح مشنوق
هو إحنا في نظركم بهايم
نتباع في السوق
للكل بتصونوا كرامته
و إحنا بننداس
وجيشكم يظهر لي صرامته
و على كوريا مداس
و ف بلدي يرمي لي قمماته
ما حسبناش ناس
لو كلب عندكوا يتعور
تتخضوا عليه
و إعلامكم يتهز يصور
لجروح في أيديه
و ان حد فينا كدا اتهور
تعبطوا رجليه
بالذبح تقطعوا ف رقابنا
و إحنا الإرهاب
بالذل و السجن عقابنا
و كلامكم مهاب
بتحاربوا حتى لنقابنا
و الدين يتعاب
ما فيش لا عزة و لا كرامة
في بعاد عن دين
لو تنصـروا الله بشــهــامة
يغلبكم مين ؟
و النور على جبينكم علامة
و تكونوا فايزين
