المدعوق

بص يا ذوق
عايزين نفوق
من المدعوق
الى اسمو غباء
الحق الشعب عاش
الحق الشعب مات
غير وزارات
تكتب رثاء
عملوها فتنة
نار وكلتنا
كلابهم عضتنا
بقينا شوية غوغاء
حلمنا نطير
زى العصفير
نجيب الخير
كسرو جناحنا بس بغباء
جربنا نبطل سكات
نصنا حى ونص مات
اللعبة عسكر ورشاشات
وناس بتفكر بدهاء
ضربو ابونا
ف بلادنا هنونا
نصرخ يعزبونا
حتى محكمتهم هباء
بينادى من امريكا بدولة قبطية
واحد مخو ويكا على مهلبية
اسمو موريس باجندة اجنبية
تشوف شكلة تناديلة باء
يلا نفوق
من المدعوق
ونعيش يا زوق
حالة جديدة من الرخاء
تحياتى صالح الابنودى