يالى السكوت علمك الامان

يالى البحر علمك الصبر

يالى صابر وراضى من زمان

ممكن تقلى ايه اخرة الصبر





بنطالب بالتغير من زمان

وعشنا كتير بنحارب الفقر

وعشنا ايام فى التحرير جنان

ممكن تقلولى ايه اخرة الصبر





ممكن تسيبو المركب تعدل الدفة

بعد مراح قبطانها الجبان

هى عارفة ازاى تعدلها وتدفة

وعارفة ولادها بيحيوها كمان





دول متعلمين مش ناس متخلفة

بيعرفو ازى يحترمو الاديان

عاهدوها على الصبر وهى عارفة

انها خلفت اولاد الحكيم لقمان



شوفتى يامه الصبر اخرتو نصر

شوفتى ولادك الفرسان

شوفتى خلو جنة الظلم قبر

وحلفو يرجعولك الامان







المصدر: الشاعر صالح الابنودى