وش مغشوش 

دنيا الوان ووشوش ..

ملهاش طعم واصل مغشوش ..

وفى الظلام وحوش

ولعبتهم حلق حوش 

وكمان ليهم كروش 

والى ملوش كرش 

نابه ازرق وحقده منفوش 

وكبير الحرمية وشه بشوش 

جاب الحرمية وعمل مضمار 

وخلى السبق فى اكل الحرام نار 

وخلى البيت الكبير ضمار

وضحك عليه ابو عيون مليانه شرار 

ودقو فى الكرسى زى المسمار 

هوا الخشب مش بتاكله النار 

خلعوه شباب قلبهم بينفخ نار 

وكان بينهم وبين ربهم عمار 

اهو دلوقتى جه وقتى ...ابنى واعلى الدار 

وخلى ليل الظلم نهار 

واعبد ربى فى اى دار 

فى كنيسة ولا جامع 

وحتى فى الشارع 

انا المصرى 

انا فى العالم حصرى 

تلاقينى بس فى الكنانة 

لانها امانة 

وتحيا بلادى علم 

ويخط فيها القلم 

احلى ايات النعم 

تحيا بلادى علم ............... تحيا بلادى علم 

الشاعر صالح الابنودى