مريت فى يوم بعد الثورة لقيت الظلم نايم
بصيت عليه وضحكت
قلتله اخيرا نمت
قلى خلاص انا كبرت
قلتله يعنى هو انتا رحمت
منتا ظلمنتى وانا لسه طفل وخليتنى كبرت
قلى ارحمنى ضحكت
قلت ياريت رحمتنى شوف انتا نايم فين اخيرا عرفت
قلتلك ارحمنى دوست عليه برجلك واتكبرت
خت قوتى حتى الرحمة بنيت بينى وبينها جدار وقلتلها فوتى
دلوقتى بتترعش وتعبان
الله يرحم لما كنت لابس جلد التعبان
والقصور والفلل ايام زمان
فاكر جبت تعابين وحطيتهم فى وادى وسميته وادى التعبان
الى مسكته الماليه والى مسكته المجلس
والى حطيته على كرسى وقلتله احبس
ولفيتهم حوليه
وسنو نيابهم وقطعو فيا
فاكر يا كبير السحرا
نسيت انى عصا موسى
ونسيت انهم اتجمعو فى الميدان
واحنا برضو كلنا تعبينك فى الميدان
كنا نصلى كانو يرشو ميه عايزين يكنسو الشجعان
دلوقتى افتكرتو النظافة اه يا جبان