( العذر يابنت )
يافهد قلت الشعر واكثرت به القيل
قلته بصحوك وقلته بعد وانت بالنوم
جبته بالمئاسي ونخيت به رياجيل
مدحت به وبعد جبته بالزعل واللوم
نخيت للفزعة ولامن احدً للفزعة جزيل
يبون قول الغزل ولايبون قول المكلوم
عيني تبكي شيخً ضربته البراميل 
وتبكي طفلً بالجوع والبرد مظلوم
ما لقى من ينصره ولا لقى حلاحيل
اعتذر منكم ياسادة أرجعوا لنوم
القول لأهل الجمايل ماهو لتجاميل
قولي لرجالً تغيث ملهوفً ومضيوم
وتفزع لمن نخاها وتشكل التشاكيل
قولي ماهو لرجالً رجالتها بالحلوم
ولا قولي لنسوانً برجليهن خلاخيل
قولي لمفتلة الشوارب خزامة الخشوم
اللي تحمي اقوالها بزين الأفاعيل
تقط الراس وعلى شرب الدم مفطوم
ماهو لراعية الجديله ومن هولها زميل
يمكن وصل قولي من بالخدرمحشوم
العذريابنت كان شبهتك بمن لك دخيل
انتي عذرك من الله وهوبالعذر مضموم
بقلم فهد القضاع المطيري