اغنيه لوتقدر

لو تقدر تنساني انساني
انا مش حقدر يوم انساك
اصل انا قلبي ف حبه اناني
ناوي يقضي حياته معاك

وانت بتبعد حبه بحبه
ناكر بينا اي محبه
عمال تعند عمال تبعد
ايه آخرتها ياسيدي معاك
لو تقدر تنساني انساني
انا مش حقدر يوم انساك

ناسي ليه ليالينا سوا
انا وانت وتالتنا الهوا
والبدر اللي ضيفنا ليلاتي
والنجمه السارحه في سماك
لو تقدر تنساني انساني
انا مش حقدر يوم انساك

ناسي ليه ايامنا الحلوه
واللحن بتاعنا والغنوه
ولقانا علي سيرة الحب
وفراقنا كان علي اهواك
لو تقدر تنساني انساني
انا مش حقدر يوم انساك

لو نٍسياني حيبقي ف صالحك
يسعد قلبك ويزيد فرحك
يبقي انساني واعرف اني
روحي وعمري برضوا فداك
لو تقدر تنساني انساني
انا مش حقدر يوم انساك

@@@@@@@@@@@@@@@@@@@@@

محمود ناصر