الشاعر الحزين احمد صبريالإعجاب بالصفحة بتنتهي يا حياهاحمد صبري
-
هما قدروا يضربوك
قول ااااه ماتنكرشي
بجد عرفوا يكسروك
قول ااااه ماتكدبشي
-
هما قاسوا قوتك
عرفوا ضعفك علتك
قالوا نضرب من هنا
يمكن هنا هيموتك
-
ماموتش ليه
يازرع مش واصلك مطر
ولا عندك بير يرويك
ماموتش ليه
يافرع مقطوع من شجر
والدنيا عاتمة عليك
نمت ليه
وسيبت روحك تتسرق
ويفترق عنك ضناك
نمت ليه
وصحيت بنارك تتحرق
ويتحرق قلبك معاك
-
هما قدروا يخدعوك
وسرقوا منك همستك
عرفوا إزاي يتعبوك
يحرموك من ضحكنك
-
ولا الكلام هيثبتك
ولا الدموع هتسكتك
ولا حد هيحس الامك
صعب ترجع ضحكتك
-
سرقوها منك
حكموا عليك تعيش
الروح منك مسحوبة
سرقوها منك
وكفايا ماتبكيش
دا كلها مكتوبة
ايام بتعدي 
واللي منك يروح
إترحم عليه وانساه
ايام بتعدي
مهما تبات مجروح
بتنتهي يا حياه