ياصاحب السعاده 
ياواد سكر ذياده
ياساكن حينا
هدي شويه فى خطاويك 
بشكيلك منك ليك 
بتدوس على قلبنا
إزاى أنا هونت عليك
يابو سحر ساكن فى عنيك
فهمنا وقولنا
أنا قلبي وروحي معاك 
مطرح ماتروح وياك
ماهو دربك دربنا
وإن كنت ياحلو بتتقل
راح أجاوبك قبل ما تسأل 
بنحب وربنا
انا دايب دوب فى هواك
ومافيش فى القلب سواك
ياغالي عندنا
إمتى زماني يصفالي
وتريح قلبي وبالي
وتقول بتحبنا
تعالى نلم الشمل
ونخلي الفرح يعم
ونطير على عشنا
على فرع الشجره الطارحه
ونغني نقول مالفرحة
ماحدش زينا
بقلم طارق السيد