انقلبت الاية
والكل بقى حكاية
والخاين بالنهاية 
معروف بالخباية
والصرخة اللى جوايا
هتحكى الحكاية
والزمن فى البدايه
خط بالقلم جوايا
ياحكاية العاشقين 
مكتوبه من سنيين
قلبى يتقسم نصين
ويروح لنحيتين
وشباب رومنسيين
وتلف السنيين 
ويتفرق الاتنين
وياحكاية العاشقين
يافلم عربى قديم
ياظلم الطيبين
على يد الظالمين
وتخرج دمعتين 
بعيون الواقحين
على سلطان 
بحارة الناسيين
ياعم السقايين
ياصلاح جاهين
اكتب على موال قديم
خواجة والفلاحيين
وكرباج وعلى ابن حسين
ويا انجى بنت السلاطين
واحسان كان استاذ
بالمسطرة والمقاس
لحكاية العاشقين
اساس من تاريخ الناس
وتلف السنين 
ويرجع وطن حزين
على يد الرومانسيين
تيهين وغافلين
فدخل المستعمرين
صبحوا سلاطين
يرجع السقا اللى مات
لحارة العطاشين
على يد شاب حزين
مجروح من زمن فات 
على وطن من سكات
ضحكوا علينا الحاكمين
من كثر المتاهات
ويرجع اللى ما مات
بكل شجن واهات
من حارة السقايين
وفتوه عقيم 
ومرتشى رزيل
بين دموع وضحكات
المساجين
وانقبت الاية 
ويرجع زمن البكوات
ورجع كرباج الجلاد
وصبح قطر الوطن فات
بين اغانى ومتاهات
رومانسية ونحنحة
ويا سنيين مكحكحة
وانقلبت الاية
عبدالله العراقى