الشاعر محمدالبازالإعجاب بالصفحة3 ساعة
إحساس جديد
/_/_/_/_/_/_/_
دق في قلبي احساس جديد
إحساس يعزف لحنه السعيد
رغم قلقي اللي باين أكيد
لكن عيوني فرحانة بمزيج
مابين القرب والهجر اللي فات
إحساس رجع جوايا ذكريات
فرحانة لحظة وقلقانة ساعات
ياتري قدري مخبي لي إيه
مبقتش حمل أي أهات
حتي قلبي خايفة عليه
يفرح ثواني ويحزن ساعات
دبرني ياقلبي أعمل ايه
اقفل عليك وتعيش من سكات
ولا تفتح بيبانك تجدد هواك
يمكن يكون الحق معاك
وإحساسك ملكك وكل مناك
تعيش سعادتك وتنسي الجراح
وتحدد إرادتك بكل سماح
لكن مش قادرة اقولك شيء
ياقلبي حدد لينا طريق
نمشي عليه ونهايته تكون
فرحة تمحي أي ظنون
وتجدد صورتنا لكل العيون
محتاجة ياقلبي قلب حنون
يخاف عليا ولحبك يصون
ياتري ياقلبي ده معقول
ممكن في لحظةترجع تقول
احساس جديد جواياعلطول
في صدقه واخلاصه كل القبول
خايفة ياقلبي تكون بتحلم
وأرجع من تاني لزمني أندم
لكن ياقلبي خلينا نفكر
يمكن نرجع مرة نقرر
ان كان احساس جديد يعيش
ولا البعد احسن من مافيش
فكر ياقلبي ومتغلبنيش
منايا بس لعمري أعيش
/_/_/_/_/_/_/_/_/_/_
محمدالباز
2/12/2015