"وطني كأعجاز نخل خاوية يتسلقها اللصوص والزبانية خصخصة مصمصة لنخاع كاهله.. .." (1) كل ذنبي أني متمعشق فيكي صبيا قويا وعافيا كل ذنبي أني مسحور بعنيكي السمراء وشعرك المجدول بطمي النيل ضفاير أشعار ومواويل ياتري ده يشفع لي أنا وليدك وشهيدك لو رجعت هستشهد تاني في سبيلك بس تعيشي *** ( 2) افتكريني يا مصر أنا اللي مرة ليكي بغني ومرة عليكي ببكي خايف وأنا في حضنك اللصوص نهشوا عرضك وابني اللي في بطنك أرجوكي تنزليه سقطيه مش عايز أشوفه متهان علي أرضك وان كان علي عروبتي كفاية أنا لوحدي / ادفع ثمنها من دمي حمل شيله علي كتافي الخونة واللصوص أسيادي وأنا اللي دفعت عنك وعني عرضك هو عرضي فضوه برصاصه أمريكا ني وكرباج عثمالي قلت اخبيكي في بنيه وارويكي بدمع عنيا بس تطيري عملوا عليكي أوصيا و أوليا والنتيجة انك بعدتي عني أصرخ في وادي في مالطة ما حد يسمعني أنا اللي الشمس علي أرضك كاوتني فأسي علي أرضك عجزت بيني وبينك مسافات بمدلك أيدي تتذرع بنا بلاد عسكر وحدود والمسجون ابنك حاولت أهرب الحلم بعيد عنك لجل ما يكبر ويرجعلك قتلوه بالنعيق علي أسوارك دق الكفوف علي الخدود ولحس التراب وشد الهدوم مشفعش ليا إتهنت ومات جوا يا الحلم ومقدر تش أوصل ليكي بيني وبينك أسوار (3) الراجل الكبير حاكم البيت الكبير كل يوم في قصر حسب حالة الجو والناس في عز البرد لحافهم تراب الأرض ماحنا أموات ولاد أموات متمرمغين في الطين شاكرين حمدين عريانين........!! جاع نين ..! عطشانين .! وإحنا ولاد هبة النيل (4) مين اللي قال لما نحاول نشب للنور والشمس نلقي ألف جزمه لميع علي الرقاب بتدب مين اللي قال طوارئ انتخابات بالبطارخ بيولدو الأموات وبيحصدوا الأصوات ها كله تمام بس.. لا .....!!! وعال العال الأرض اللي عرق أبويا وجدي فيها موجودة علي الخريطة هنا هنشق طريق للزفة العربيات بتتمختر تيت تيت تيت هيصة و زمبليطة ولما يطلع واد عن حضن أبوه يشب دمه علي الآسفلت بيشف ويرف وتيت تيت تيييييييييييييييت هنا هيعدي الراجل الكبير و حبيبتي الى بعتني عشان شقة في بيت قديم من دورين زغرتت ترى ري تري ري الزفة منصوبة والناس مبسوطة بتآكل سوس بتبن القمح عمايل الخواجة للشعوب المحتاجة وهنا الأرض بتطرح عمارات اسمنت فيها ألف شق وشق من صفارة قطر بتتهز ومحافظ عامل محافظ ووراه شله ماتتلم هنا مخالفه وهنا أرصدة في البنوك داخله يا عم أصحه بقي وفوق بقالق سنين بتجرش فول مربوط في ساقيه شمال ويمين بتدور وعقلك لو مرة فاق ترجع مسطول وتوت توت ت ووووووووووووت *** (5) قالو بلادك مسها جان سكنها عفريت بقالوا زمان أتجمعوا الشيوخ هنا حلقة ذكر وبخور جاوا وحجاب ع البيبان قالو شايفين مارد بيحرق المدن والميدان وسامعين في بلادك بقايا أذان الله اكبر الله اكبر سبعه سمان ووراهم سبعه عجاف والتعلب فات فات وفي ديله سبع لفات ملبوسه بلادك بالهليبه سيرك كبير فيه اللعيبه وانت واقف ع الحبل بتشد ميتشد على رقبتك بيتلف مصري عصامي باني اهرامي والنيل شريانى خطفوه مني وسجنوه في سحارة وقال إيه مصري أصيل من وادي النيل بيتسول رغيف سرقوا منه الحرية وسجنوه في شبر علي ضفاف النيل قالو بلادك مسها جان سكنها عفريت بقالو زمان (6) وراء البيبان الرقوه والمبخرة ومقام السيدة كل الأوليا بيبانها متقفله الرخام علي باب القصر ألف باب وباب يتصد علي أرضك أنا الذبيح قبل ما أموت علي التسبيح نور الفجر شق المصابيح ومقام العدل والحرية فوق لحم المجاريح الغاوي ينقش بالضوافر علي المياه زي الديمقراطية في بلدي آمين إكرام الميت دفنه والتغسيل من دمع العين التيجان والصولجان الحكم بالحديد والنار يا بلادي منصورة وألا مقهورة شاي العصاري مر بيخلي الجرح يئن سنابل غلة فوق العيدان النار ماسكه في الغيطان وراء البيبان ترباس ومزلاق وسجان علي الأحلام وزراء ورجال أعمال ترزية قوانين ….. عتال في فلوس الغير . . . يا صلاة الزين علي شفيع المرسلين الرقوه والمبخرة ومقام السيدة كل الأوليا بيبانها متقفله وبنك نوت أخضر وإسترليني فرش الطريق ورود يألف واكسه وحسره علي الجنيه مخروم لو نزل في الغلا مهزوم ولو استخباء في الهدوم يبقي دين معدوم ( 7 )
الحمل تقل وزاد وبكره كله في المزاد من أول شعاع الفجر لآخر طريق عتمه بكره الصدور تنشق ويطلع مارد من الزحمه يتكلم في اللمه ميخاف حد .. . . . . ولا يتصد لو شعري شاب وبقيت موميا في وش الريح أتهز راح احكي تاريخي للأحفاد أبدأ كلامي بصلاة الزين وآية الكرسي والمعوذتين و أعوذ بالله من الشياطين والجان كمان قبل ما ابدأ كلامي هبص من الشباك علي المخبر الواقف قصادي واحضر نفسي لميت سؤال وسؤال وشلوتين وقفا وكرباجين من الهوا علي لحمي يتشوى وميت شتيمه ولفظ بذئ منحط وبصق في وشي زي المطر من غير حيطة أدارى فيها يا بلادي فيكى حاجه غريبه أيدك في السخره متسلسله لسه في السلطه متعشمه في بلاد الغير . . تبني وعلى أرضك ألف جدار وجدار أتهد مرة خصخصة . . . ومرة مصمصه . . . . . . . . . . . عموله . . . . . . . . . . . . . ومعمولا وحكاية عنتر و أبو زيد وصلاح الدين .. .. .. وعبد الناصر والسادات والمستبد بالحكم للآن أبدأ كلامي آمين كل المصليين يقولوا يارب يطول في عمره ويزيد في ملكه قاهر المسلمين ومنكس راية الدين مالي الزنازين ساحل النساء في الميادين ( 8)
وغزل البنات بين الشفايف مش حلوه كلمة لا ولا كلمة كفايه....!! ............... ولا شيفنكم ...!! ........................ولا سمعنكم ..!! مش حلوه غير كلمة حاضر دي البلاد بلادكم و إحنا عبيدكم والفاروق .. .لو كان يعرف كان بالسياط أدبنا عشانكم وصلاح الدين كان يجهل فن الحروب والبطولة اللي زعمها في الأصل مسروقة منكم حتى عنتر كان خاين ويشهد علي ذلك ألف ناقه حمر وبوس أيدين الملك النعمان يبقي أنت الأحق بحضن عبله و بورث مصر ويوم متموت راح امسك طبلة و ازفك لحد القبر ودعواتي لك أنا وكل الشعب. . .
