الشاعر محمد الباز ... الزقازيق
من بين كل القلوب

من بين كل القلوب
قلبك هو اللي باقي
ولا مرة اكون مغلوب
ياجنتي واشواقي
حبك ياامايا سيل
يروي جوايا شراقي
في بعدك انا ذليل
ياجنتي واشواقي
ف عنيكي اشوف نفسي
ومابحس بلحظة ويل
بيكي تتجدد ملامحي
يانبض قلبي النبيل
قبل مااقولك طلبي
ب تكوني منفذاه
وتقولي تعالي لحضني
ارمي جواه الاه
ده بعدك عني يابني
يوقف قدامي الحياه
من لحظة ماشلتك في بطني
ودعيت ربي في سماه
تكون فرحي وسعادتي
ومااشوف فيك الاه
واناكمان يااما
من غيرك مساويش
رغم بعدي عنك
بقول يارب اعيش
واحقق كل فرحك
وياعيوني متدمعيش
ده لوبيدي املك
اخليكي ماتشوفيش
غير امي وبس فيكي
لان بيها ب اعيش
ده مهما اقول ليكي
يااما مايكفكيش
ولااي كلمة توصف
كل اللي جواكي ليا
ده قلبك لوحده يعرف
ازاي يوصف عنيا
لواعيش عمري انزف
انتي اللي بتجري بيا
وقلبي لوحده يحلف
لكل الدنياااا ديا
من غيرك مايعيش ثانية
يااما يانور عنيا
ايه معني الحنية بعدك
غيركلمة وماتكونش ليا
وبدعي ربي لقلبك
يعيش الفرحة دايما
ده سعادتي من سعادتك
ومايحرمني منك ابدااااا
يااما يانور عنيا
من بين كل القلوب
قلبك هواللي باقي
ولامرة اكون مغلوب
ياجنتي واشواقي
ده حبك يااما سيل
يروي جوايا شراقي