الشاعر محمود رجب .... الجيزة

بين آه واه

_______________

يارب فرحنا تعبنا

الدنيا مش راضيا تسيبنا

الحزن اكتر منه مافي

والفرحه غايبه عن قلوبنا

يادوب نفكر نفرح شويه

نلقاها ليه بالجرح جيا

____________________

يادنيا صمه وكفيفه

خداعا عامله إنك عفيفه

بالغش فيكي اتلمعو

وجوه كئيبة ومش نضيفه

_____________________

إشترو رضاكي بالفلوس

خطو الخطاوي بالنفوز

عاش الفقير فيكي ينازع

وليه في وشو لويتي بوز

إستقوي دايماً علي الضعيف

ومدي ايديك للرموز

____________________

عدي ودوسي علينا براحتك

إحنا الأصل وهما رتوش

إحنا البارود لو انفجر

يشوة جميع الوشوش

تشهد علينا القوه اللي كانت

في عز جبروتهم وحوش

____________________

تشهد كمان الأرض ال شالت

أطهر وانقي وأشرف جيوش

ناسك يادنيا ساعه غضبهم

صوتهم يزلزل آلاف الجيوش