حكايه صبي راح ضحيه / شعرعامى
-----------------------------------------
صبي في عمر الصبا
راح ضحيه بدون اى ذنب
كان كل حلمه يعيش مستور
و ما يمد ايده لاي حد
عشان يستر امه وابوه
وكان خارج بيقول يارب
اكرمنى يارب عشان خاطر
صلاتى ودعايا في كل فرض
راح الصبي ياعيني عليه
برصاصه طايشه اترمى على الارض
وماحدسال عليه من الناس
مسكين ياحسين كان زى الورد
و ماحد اخد حق الشهيد
واهله كانوا محتاجينه بجد
كان هو الامل اللى بيشقي
ويصرف عليهم في الزمن الصعب
وكانو فى انتظاره يعود تانى
ويدفيهم من كل برد
منهم لله الظالمين
اللى قتلوا الصبي حسين
وخلوا اهله في الاحزان
يناموا ويصحوا علي الخدين
دموعهم تملي بحور حرمان
بتفضي وتعبي دموع وانين
علي فراق ابنهم الغالي
وبندعي له يارب امين
روح يابنى بالف سلامه الى جنات الخالدين
ودى حكايه الشهيد حسين
----------------------------------------------------
شعر عامى اهداء لمن وعدته
بقلمى الشاعر الغنائي رمضان القاضي
بتاريخ 16/ 8/ 2015 الاحد