حلقى لوحدك وطيرى
واتركى جسمى عفى
اتركى شرى وخيرى
وابعدى يوم تعرفــــى
تعرفى كل اللى فات
فتشى فى الذكريات
تعرفى منها الحقيقه
وتعرفى ليه بس انا
مخنوق وكلى جروح وديقه
تعرفى الدنيا بصراحه
وتعرفى حاجات كتير
تعرفى اللى اتمنع
وتعرفى حاجات مباحه
حلقى وحدك وطيرى
طيرى وحدك فى البراح
طيرى بس م تندميش
ع اللى انتهى منك وراح
بس لازم تعرفى
ايه الحلال وايه المباح
الحكايه مش دفاتر تكتبيها
ومش ورق وشوية فلوس
وتبيعى ف الدنيا وهتشتريها
حلقى لوحدك وطيرى
واحلمى براحتك كتير
بكره يمكن ييجى غيرى
بكره يمكن كله خير
بس عيشى فى الحقيقة
أوعى تنسى حاجه عدت
أوعى تنسى ساعه مرت 
من حياتك أو دقيقه
سجلى كل الحكايه
واكتبيها للنهايه
واحفريها فوق جبينك
واحفظيها ف ننى عينك
لجل م ابنك يوم يصونك
حلقى لوحدك وطيرى